‘വി​ള​വെ​ടു​പ്പി​നി​റ​ങ്ങി’ കാ​ട്ടു​മൃ​ഗ​ങ്ങ​ൾ
Thursday, September 5, 2024 2:57 AM IST
ചു​ങ്ക​പ്പാ​റ: കോ​ട്ടാ​ങ്ങ​ൽ പ​ഞ്ചാ​യ​ത്തി​ലെ നി​ർ​മ​ല പു​രം, കു​ള​ത്തൂ​ർ, കാ​ടിക്കാ​വ്, ചു​ങ്ക​പ്പാ​റ, കോ​ട്ടാ​ങ്ങ​ൽ, കി​ടി കെ​ട്ടി​പ്പാ​റ, തോ​ട്ട​ത്തു​ങ്കു​ഴി മേ​ഖ​ല​ക​ളി​ൽ കാ​ട്ടു​പ​ന്നി​യുടെയും ഇ​ത​ര കാ​ട്ടു​മൃ​ഗ​ങ്ങ​ളു​ടെ​യും ശ​ല്യം കാ​ര​ണം കൃ​ഷി​ക്കാ​ർ പ്ര​തി​സ​ന്ധി​യി​ൽ.

കോ​ട്ടാ​ങ്ങ​ൽ പ​ഞ്ചാ​യ​ത്ത് എ​ട്ടാം വാ​ർ​ഡി​ൽ ചു​ങ്ക​പ്പാ​റ ജം​ഗ്ഷ​നു സ​മീ​പം ഊ​ന്നു​ക​ല്ലി​ൽ ഒ.​എ​ൻ. സോ​മ​ശേ​ഖ​ര​പ്പ​ണി​ക്ക​രു​ടെ കൃ​ഷി​യി​ട​ത്തി​ൽ ക​ഴി​ഞ്ഞദി​വ​സം രാ​ത്രി​ കാ​ട്ടു​പ​ന്നി കി​ഴ​ങ്ങു​വ​ർ​ഗ കൃ​ഷി വ്യാ​പ​ക​മാ​യി ന​ശി​പ്പി​ച്ചു. 20,000 രൂ​പ​യു​ടെ ന​ഷ്ടം ഉ​ണ്ടാ​യ​താ​യി സോ​മ​ശേ​ഖ​ര​പ്പ​ണി​ക്ക​ർ പ​റ​ഞ്ഞു.

ഓ​ണം വി​പ​ണി​യി​ൽ എ​ത്തി​ക്കു​ന്ന​തി​നു​ള്ള ചേ​ന, കാ​ച്ചി​ൽ, ക​പ്പ, വാ​ഴ​ക്കു​ല, അ​ട​ക്ക തു​ട​ങ്ങി​യ ഫ​ല​വ​ർ​ഗ​ങ്ങ​ൾ കാ​ട്ടു​പ​ന്നി ന​ശി​പ്പി​ക്കു​മ്പോ​ൾ പ​ച്ച​മു​ള​ക് അ​ട​ക്ക​മു​ള്ള പ​ച്ച​ക്ക​റി കൃ​ഷി കു​ര​ങ്ങ​ൻ, മ​യി​ൽ, മ​ല​അ​ണ്ണാ​ൻ എ​ന്നി​വ​യും ന​ശി​പ്പി​ക്കു​ക​യാ​ണ്. വ​ലി​യ​കാ​വ് വ​ന​മേ​ഖ​ല​യോ​ടു ചേ​ർ​ന്ന പ്ര​ദേ​ശ​ങ്ങ​ളി​ലാ​ണ് ഇ​വ​യു​ടെ വി​ള​യാ​ട്ടം രൂ​ക്ഷ​മാ​യു​ള്ള​ത്.

ഇ​ക്കൊ​ല്ലം ച​ക്ക ഉ​ൾ​പ്പെ​ടെ​യു​ള്ള ഫ​ല​വ​ർ​ഗ​ങ്ങ​ൾ കു​ര​ങ്ങും മ​ല​യ​ണ്ണാ​നും കൊ​ണ്ടു​പോ​യ​താ​യി ക​ർ​ഷ​ക​ർ പ​റ​ഞ്ഞു. കൃ​ഷി ജീ​വ​നോ​പാ​ധി​യാ​യി സ്വീ​ക​രി​ച്ചി​ട്ടു​ള്ള ക​ർ​ഷ​ക​ർ​ക്കു വ​ൻ വെ​ല്ലു​വി​ളി​യാ​യി കാ​ട്ടു​മൃ​ഗ​ങ്ങ​ൾ മാ​റു​ക​യാ​ണ്.

ചു​ങ്ക​പ്പാ​റ​യി​ലും പ​രി​സ​ര​ങ്ങ​ളി​ലും ന​രി​കു​റു​ക്ക​ന്‍റെ സാ​ന്നി​ധ്യ​വും ഭീ​ഷ​ണി​യാ​യി മാ​റി​യി​ട്ടു​ണ്ട്. നി​ര​വ​ധി​യാ​ളു​ക​ൾ​ക്ക് ഇ​തി​നോ​ട​കം ഇ​വ​യു​ടെ ക​ടി​യേ​റ്റു. വ​ള​ർ​ത്തു​മൃ​ഗ​ങ്ങ​ളെ​യും ആ​ക്ര​മി​ച്ചു. കാ​ട്ടി​ൽനി​ന്നും പു​റ​ത്തി​റ​ങ്ങി​യ ന​രി​കു​റു​ക്ക​ൻ ഏ​റെ​യും തി​രി​കെ പോ​യി​ട്ടി​ല്ല. ഇ​വ​യും നാ​ട്ടി​ൻ​പു​റ​ങ്ങ​ളി​ൽ താ​വ​ളം ഉ​റ​പ്പി​ച്ച​തോ​ടെ സാ​ധാ​ര​ണ ജ​ന​ജീ​വി​ത​ത്തി​നു ഭീ​ഷ​ണി ഏ​റു​ക​യാ​ണ്.

മ​ണ​ക്ക​യ​ത്ത് കാ​ട്ടാ​ന​യു​ടെ ആ​ക്ര​മ​ണം


മ​ണ​ക്ക​യം: കു​രു​ന്പ​ൻ​മൂ​ഴി മ​ണ​ക്കയ​ത്തെ ജ​ന​വാ​സ മേ​ഖ​ല​യി​ൽ കാ​ട്ടാ​ന സ്ഥി​രം ശ​ല്യ​മാ​യി മാ​റു​ന്നു. കാ​ടു​വി​ട്ട് പു​റ​ത്തി​റ​ങ്ങി​യ കാ​ട്ടാ​ന ജ​ന​വാ​സ മേ​ഖ​ല​യി​ൽ വ​ൻ​നാ​ശ​മാ​ണ് വ​രു​ത്തി​യ​ത്.
മ​ണ​ക്യം പു​തി​യി​ട​ത്ത് അ​നൂ​പ് ഇ​മ്മാ​നു​വേ​ലി​ന്‍റെ വീ​ട്ടി​ലും പ​രി​സ​ര​ത്തു​മാ​ണ് ആ​ന ക​ഴി​ഞ്ഞ രാ​ത്രി​യി​ൽ നാ​ശംവി​ത​ച്ച​ത്. വ​നാ​തി​ർ​ത്തി​യി​ലു​ള്ള വീ​ടാ​ണി​ത്. വീ​ടി​നു പു​റ​ത്തെ ഷെ​ഡ് ത​ക​ർ​ത്തു. അ​തി​നു​ള്ള​ിൽ വ​ച്ചി​രു​ന്ന വാ​ഷിം​ഗ് മെ​ഷീ​ൻ ത​ള്ളി​യി​ട്ടു നശി പ്പിച്ചു. അ​ടു​ക്ക​ളഭാ​ഗ​ത്തെ ഭി​ത്തി​ക്കും നാ​ശ​ന​ഷ്ടം വ​രു​ത്തി.

അ​നൂ​പും കു​ടും​ബ​വും സ്ഥ​ല​ത്തു​ണ്ടാ​യി​രു​ന്നി​ല്ല. സ​മീ​പ പു​ര​യി​ട​ത്തി​ലെ തെ​ങ്ങും റ​ബ​റും അ​ട​ക്ക​മു​ള്ള കൃ​ഷി​ക​ളും ന​ശി​പ്പി​ച്ചു. 20 വാ​ഴ, 12 കു​രു​മു​ള​കുചെ​ടി, മൂ​ന്ന് തെ​ങ്ങു​ക​ൾ, റ​ബ​ർ, ക​മു​ക് തു​ട​ങ്ങി​യ​വ ഒ​റ്റ​രാ​ത്രി​കൊണ്ടു ന​ശി​പ്പി​ച്ചു. ര​ണ്ടാ​ഴ്ച​യി​ലേ​റെ​യാ​യി ഈ ​ഭാ​ഗ​ത്ത് കാ​ട്ടാ​ന നി​ത്യ​സ​ന്ദ​ർ​ശ​കനാ​ണെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

രാ​ത്രി ഉ​റ​ക്ക​മൊ​ഴി​ച്ചി​രു​ന്നാ​ണ് നാ​ട്ടു​കാ​ർ ആ​ന​യെ ഓ​ടി​ക്കു​ന്ന​ത്. ക​ഴി​ഞ്ഞ​ദി​വ​സ​വും രാ​ത്രി 12 വ​രെ ആ​ളു​ക​ൾ കാ​ത്തി​രു​ന്നി​രു​ന്നു. അ​തി​നു​ശേ​ഷ​മാ​ണ് അ​നൂ​പി​ന്‍റെ വീ​ട്ടു​മു​റ്റ​ത്തേ​ക്ക് ആ​ന എ​ത്തി​യ​ത്. ഒ​റ്റ​യാ​നാ​ണ് ഈ ​പ്ര​ദേ​ശ​ത്തു നാ​ശം വ​രു​ത്തു​ന്ന​തെ​ന്ന് പ​റ​യു​ന്നു. വ​നാ​തി​ർ​ത്തി​യി​ലും പ​ന്പ​യു​ടെ തീ​ര​ത്തു​മാ​യി ആ​ന താ​വ​ള​മാ​ക്കി​യി​രി​ക്കു​ക​യാ​ണ്.

വ​ന​ത്തോ​ടു ചേ​ർ​ന്ന പ്ര​ദേ​ശ​ങ്ങ​ളി​ലെ കൃ​ഷി​ക​ൾ ന​ശി​പ്പി​ച്ച​തി​നാ​ൽ തീ​റ്റ​തേ​ടി മ​റു​ക​ര​യി​ലേ​ക്ക് ആ​ന നീ​ങ്ങാ​റു​ണ്ട്. ആ​ളു​ക​ൾ കാ​ത്തി​രു​ന്ന് പ​ട​ക്കം പൊ​ട്ടി​ച്ച് ഓ​ടി​ക്കു​ന്ന​തി​നാ​ൽ അ​ർ​ധ​രാ​ത്രി​ക്കു​ശേ​ഷ​മാ​ണ് ആ​ന തി​രി​കെ കു​രു​ന്പ​ൻ​മൂ​ഴി ഭാ​ഗ​ത്തേ​ക്ക് നീ​ങ്ങു​ക​യാ​ണ് പ​തി​വ്. പ​ക​ലും ആ​ന​യു​ടെ സാ​ന്നി​ധ്യം പ​ന്പാ​തീ​ര​ത്തു​ണ്ട്.