പത്തനംതിട്ട: കേരള കോൺഗ്രസ് - എം ജില്ലാ പ്രത്യേക സമ്മേളനം നാളെ ഉച്ചകഴിഞ്ഞ് മൂന്നിന് പത്തനംതിട്ട റോയൽ ഓഡിറ്റോറിയത്തിൽ ചേരും. പാർട്ടി ചെയർമാൻ ജോസ് കെ. മാണി എംപി സമ്മേളനം ഉദ്ഘാടനം ചെയ്യും.
തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ മുന്നൊരുക്കങ്ങളായി പ്രധാന അജണ്ട. രാജ്യസഭ എംപിയായി തെരഞ്ഞെടുക്കപ്പെട്ടശേഷം ആദ്യമായി ജില്ലയിലെത്തുന്ന ജോസ് കെ. മാണിക്ക് സ്വീകരണം നൽകും. പുനഃസംഘടിപ്പിക്കുന്ന പാർട്ടി ജില്ലാ കമ്മിറ്റി രൂപീകരണ പ്രഖ്യാപനവും ചെയർമാൻ നടത്തും.