വൃ​ത്തി​ഹീ​നം: ല​ഘു​ഭ​ക്ഷ​ണ നി​ർ​മാ​ണകേ​ന്ദ്രം പൂ​ട്ടി​ച്ചു
Wednesday, September 4, 2024 2:53 AM IST
തി​രു​വ​ല്ല: പെ​രി​ങ്ങ​ര​യി​ൽ പ​ഞ്ചാ​യ​ത്ത് അ​ധി​കൃ​ത​രും ആ​രോ​ഗ്യവി​ഭാ​ഗ​വും ചേ​ർ​ന്ന് ന​ട​ത്തി​യ മി​ന്ന​ൽ പ​രി​ശോ​ധ​ന​യി​ൽ വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ൽ പ്ര​വ​ർ​ത്തി​ച്ചി​രു​ന്ന ല​ഘു​ഭ​ക്ഷ​ണ നി​ർ​മാ​ണ യൂ​ണി​റ്റ് അ​ട​ച്ചു​പൂ​ട്ടി.

തി​രു​നെ​ൽ​വേ​ലി സ്വ​ദേ​ശി ശ​ങ്ക​റി​ന്‍റെ ഉ​ട​മ​സ്ഥ​ത​യി​ൽ പെ​രി​ങ്ങ​ര പ​ത്താം വാ​ർ​ഡി​ൽ ല​ക്ഷ്മി നാ​രാ​യ​ണ ക്ഷേ​ത്ര​ത്തി​നു സ​മീ​പ​ത്തെ വാ​ട​ക​വീ​ട്ടി​ൽ പ്ര​വ​ർ​ത്തി​ച്ചി​രു​ന്ന യൂ​ണി​റ്റാ​ണ് അ​ട​ച്ചു​പൂ​ട്ടി​യ​ത്. പ​രി​സ​ര​വാ​സി​ക​ളു​ടെ പ​രാ​തി​യെത്തു​ട​ർ​ന്നാ​യി​രു​ന്നു ന​ട​പ​ടി. ഉ​ഴു​ന്നു​വ​ട​യും സ​മൂ​സ​യും നെ​യ്യ​പ്പ​വും കേ​ക്കും അ​ട​ക്ക​മു​ള്ള ല​ഘുഭ​ക്ഷ​ണ​ങ്ങ​ൾ ഉ​ണ്ടാ​ക്കി വി​ത​ര​ണം ചെ​യ്യു​ന്ന യൂ​ണി​റ്റാ​ണ് ചൊ​വ്വാ​ഴ്ച രാ​വി​ലെ ന​ട​ത്തി​യ പ​രി​ശോ​ധ​ന​യി​ൽ താ​ത്കാ​ലി​ക​മാ​യി അ​ട​ച്ചു​പൂ​ട്ടി​യ​ത്.

തി​രു​വ​ല്ല, ച​ങ്ങ​നാ​ശേ​രി താ​ലൂ​ക്കു​ക​ളി​ലെ വി​വി​ധ പ്ര​ദേ​ശ​ങ്ങ​ളി​ലു​ള്ള ബേ​ക്ക​റി​ക​ളി​ലും ഹോ​ട്ട​ലു​ക​ളി​ലു​മാ​യി ബൈ​ക്കു​ക​ളി​ലും ഓ​ട്ടോ​റി​ക്ഷ​ക​ളി​ലുമായാ​ണ് പ​ല​ഹാ​ര​ങ്ങ​ൾ വി​ത​ര​ണം ചെ​യ്യു​ന്ന​തെ​ന്ന് ജീ​വ​ന​ക്കാ​ർ പ​റ​ഞ്ഞു. തു​റ​സാ​യ​തും വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലു​മാ​ണ് അ​ടു​ക്ക​ള പ്ര​വ​ർ​ത്തി​ച്ചി​രു​ന്ന​തെ​ന്നു പ​രി​ശോ​ധ​ന​യി​ൽ ക​ണ്ടെ​ത്തി. പ​ഴ​കി​യ എ​ണ്ണ​യാ​ണ് പ​ല​ഹാ​ര​ങ്ങ​ൾ നി​ർ​മി​ക്കു​വാ​ൻ ഉ​പ​യോ​ഗി​ച്ചി​രു​ന്ന​ത്.


പ​ല​ഹാ​ര​ങ്ങ​ൾ ഉ​ണ്ടാ​ക്കു​ന്ന​തി​നു​ള്ള മൈ​ദ അ​ട​ക്ക​മു​ള്ള സാ​ധ​ന​സാ​മ​ഗ്രി​ക​ൾ വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലാ​ണ് സൂ​ക്ഷി​ച്ചി​രു​ന്ന​തെ​ന്നും പ​രി​ശോ​ധ​ന​യി​ൽ വ്യ​ക്ത​മാ​യി​ട്ടു​ണ്ട്. അ​ടു​ക്ക​ള​യു​ടെ പ​രി​സ​ര​പ്ര​ദേ​ശ​ങ്ങ​ൾ മ​ലി​നജ​ലം നി​റ​ഞ്ഞു ദു​ർ​ഗ​ന്ധം വ​മി​ക്കു​ന്ന​താ​ണെ​ന്നും ക​ണ്ടെ​ത്തി​യി​ട്ടു​ണ്ട്.

സ്ഥാ​പ​ന​ത്തി​ൽ ജോ​ലിചെ​യ്യു​ന്ന 17 ജീ​വ​ന​ക്കാ​രി​ൽ പ​ല​ർ​ക്കും ഹെ​ൽ​ത്ത് കാ​ർ​ഡ് ഇ​ല്ലെ​ന്നും വ്യ​ക്ത​മാ​യി​ട്ടു​ണ്ട്. പെ​രി​ങ്ങ​ര ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഏ​ബ്ര​ഹാം തോ​മ​സ്, വാ​ർ​ഡ് മെം​ബ​ർ എ​സ്. സ​ന​ൽ കു​മാ​രി, ഹെ​ൽ​ത്ത് ഇ​ൻ​സ്പെ​ക്ട​ർ എ. ​സ​തീ​ഷ് കു​മാ​ർ, ജൂ​ണി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ രാ​ജ​ല​ക്ഷ്മി, വി​ജ​യ​ല​ക്ഷ്മി എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന. പി​ടി​ച്ചെ​ടു​ത്ത ഭ​ക്ഷ​ണ​സാ​ധ​ന​ങ്ങ​ളും പ​ഴ​കി​യ എ​ണ്ണ​യും ന​ശി​പ്പി​ച്ചു.

അ​ടു​ക്ക​ള പൂ​ർ​ണ​മാ​യി ന​വീ​ക​രി​ക്കു​ന്ന​തി​നും പ​രി​സ​രം ശു​ചീ​ക​രി​ക്കു​ന്ന​തി​നു​മാ​യി അ​ഞ്ചു ദി​വ​സ​ത്തെ സ​മ​യം ന​ൽ​കി​യ​താ​യും ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി ഉ​ട​മ​യ്ക്ക് നോ​ട്ടീ​സ് ന​ൽ​കി​യ​താ​യും ഇ​വ പാ​ലി​ക്കാ​ത്തപ​ക്ഷം സ്ഥാ​പ​നം പൂ​ർ​ണ​മാ​യും അ​ട​ച്ചു​പൂ​ട്ടു​ന്ന ന​ട​പ​ടി സ്വീ​ക​രി​ക്കു​മെ​ന്നും ഹെ​ൽ​ത്ത് ഇ​ൻ​സ്പെ​ക്ട​ർ പ​റ​ഞ്ഞു.