തിരുവല്ല: കേരള പോലീസ് സെന്‍ട്രല്‍ സ്‌പോര്‍ട്‌സ് ഓഫീസ് ഓട്ടോമേഷനുവേണ്ടി തിരുവല്ല മാക്ഫാസ്റ്റിലെ ഡിപ്പാര്‍ട്ട്‌മെന്‍റ് ഓഫ് കംപ്യൂട്ടര്‍ ആപ്ലിക്കേഷനിലെ അധ്യാപകരുടെയും വിദ്യാര്‍ഥികളുടെയും നേതൃത്വത്തില്‍ തയാറാക്കിയ ആപ്ലിക്കേഷന്‍റെയും ആന്ഡ്രോയിഡ് ആപ്പിന്‍റെയും ഔദ്യോഗിക കൈമാറ്റവും പുറത്തിറക്കലും മാക്ഫാസ്റ്റ് ഓഡിറ്റോറിയത്തില്‍ നടന്ന ചടങ്ങില്‍ നിര്‍വഹിച്ചു.
ഡിഐജി ആംഡ് പോലീസ് ജയദേവ് മുഖ്യാതിഥിയായിരുന്നു. കോളജ് പ്രിന്‍സിപ്പല്‍ ഡോ. വര്‍ഗീസ് കെ. ചെറിയാന്‍ അധ്യക്ഷത വഹിച്ചു. കോളജ് ഡയറക്ടര്‍ ഫാ. ഡോ. ചെറിയാന്‍ ജെ. കോട്ടയില്‍ സന്ദേശം നല്‍കി. ഡിപ്പാര്‍ട്ട്‌മെന്‍റ് ഓഫ് കംപ്യൂട്ടര്‍ ആപ്ലിക്കേഷന്‍ മേധാവി പ്രഫ. റ്റിജി തോമസ്, കോളജ് അക്കാഡമിക് ഡയറക്ടര്‍ ഡോ. സുകുമാരന്‍ നായര്‍, അസോസിയേറ്റ് പ്രഫസര്‍ ഡോ. പി.എം. നിഷാദ്, റോബിന്‍ സാമുവേല്‍ റോയ്‌സ്, പി.എസ്. കൃഷ്ണന്‍ നമ്പൂതിരി, അഞ്ജന ആര്‍. നായര്‍, ഡോ. പി.എം. നിഷാദ് എന്നിവര്‍ പ്രസംഗിച്ചു.