അ​ത്ത​പ്പൂ​ക്ക​ളം ഒ​രു​ക്കാ​ൻ ക​ല്ലൂ​പ്പാ​റ​യു​ടെ സ്വ​ന്തം ബ​ന്ദി​പ്പൂ​ക്ക​ൾ
Wednesday, September 4, 2024 3:10 AM IST
ക​ല്ലൂ​പ്പാ​റ: അ​ത്ത​പ്പൂ​ക്ക​ളം ഒ​രു​ക്കാ​ൻ ക​ല്ലൂ​പ്പാ​റ​യി​ലും സ്വ​ന്തം പൂ​ക്ക​ൾ. ഓ​ണ​ക്കാ​ല പൂ​ക്ക​ളു​ടെ ല​ഭ്യ​ത​യി​ൽ സ്വ​യംപ​ര്യാ​പ്ത​ത നേ​ടാ​നു​ള്ള ആ​ദ്യ ചു​വ​ടു​വ​യ്പ് ക​ല്ലൂ​പ്പാ​റ​യി​ലും വി​ജ​യ​മാ​യി.
ക​ല്ലൂ​പ്പാ​റ പ​ഞ്ചാ​യ​ത്തും കൃ​ഷി​ഭ​വ​നും ആ​റു കു​ടും​ബ​ശ്രീ യൂ​ണി​റ്റു​ക​ളും ചേ​ർ​ന്നാ​ണ് ബ​ന്ദി കൃ​ഷി ചെ​യ്ത​ത്. അ​ത്തം വി​പ​ണി ല​ക്ഷ്യ​മി​ട്ടു​ള്ള കൃ​ഷി പ്ര​തീ​ക്ഷ​യ്ക്കൊ​പ്പം മൊ​ട്ടി​ട്ടു വി​രി​ഞ്ഞു.

മ​ഞ്ഞ​യും ചു​വ​പ്പും നി​റ​ത്തി​ലു​ള്ള പൂ​ക്ക​ൾ അ​ത്ത​പ്പൂ​ക്ക​ള​ക്കാ​രു​ടെ കാ​ൽപ്പെ​രു​മാ​റ്റ​ത്തി​ന് കാ​തോ​ർ​ത്തു നി​ൽ​ക്കു​ന്നു. ആ​വ​ശ്യ​ക്കാ​രെ വ​ര​വേ​ൽ​ക്കാ​ൻ കൃ​ഷി​ഭ​വ​നും ത​യാ​റെ​ടു​ത്തു ക​ഴി​ഞ്ഞു.

ജൂ​ലൈ പ​കു​തി​യോ​ടെ കൃ​ഷി​ഭ​വ​നി​ലൂ​ടെ​യാ​ണ് ആ​റു കു​ടും​ബ​ശ്രീ യൂ​ണി​റ്റു​ക​ൾ​ക്ക് ബ​ന്ദി​ത്തൈ​ക​ൾ വി​ത​ര​ണം ചെ​യ്ത​ത്. അ​ഞ്ഞൂ​റു മു​ത​ൽ ആ​യി​രം തൈ​ക​ൾ വ​രെ​യാ​ണ് ന​ൽ​കി​യ​ത്. തൈ​ക​ൾ​ക്കൊ​പ്പം ആ​വ​ശ്യ​മാ​യ വ​ളം​കി​റ്റും വി​ത​ര​ണം ചെ​യ്തു.


കൃ​ഷി ഓ​ഫീ​സ​ർ എ. ​പ്ര​വീ​ണയു​ടെ നേ​തൃ​ത്വ​ത്തി​ലു​ള്ള കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ ആ​വ​ശ്യ​മാ​യ സാ​ങ്കേ​തി​ക സ​ഹാ​യ​ങ്ങ​ൾ ന​ൽ​കാ​ൻ ഒ​പ്പം നി​ന്ന​തോ​ടെ വ​നി​ത ക​ർ​ഷ​ക കൂ​ട്ടാ​യ്മയ്ക്കും ആ​വേ​ശ​മാ​യി. ത​ണ്ടു​ചീ​യ​ൽ​പോ​ലെ​യു​ള്ള ചെ​റി​യ രോ​ഗ​ബാ​ധ ഒ​ഴി​ച്ചാ​ൽ കാ​ര്യ​മാ​യ കീ​ട​ബാ​ധ​യൊ​ന്നും ഉ​ണ്ടാ​യി​ല്ല.

വി​പ​ണി ല​ഭി​ച്ചാ​ൽ അ​ടു​ത്ത​വ​ർ​ഷം കൂ​ടു​ത​ൽ കു​ടും​ബ​ശ്രീ യൂ​ണി​റ്റു​ക​ൾ കൃ​ഷി​യി​ലേ​ക്ക് ഇ​റ​ങ്ങാ​ൻ താ​ത്​പ​ര്യം പ്ര​ക​ടി​പ്പി​ച്ചു ക​ഴി​ഞ്ഞു.