കൊടുമൺ: പട്ടാപകൽ റോഡ് മുറിച്ചു കടന്ന കാട്ടുപന്നി ഇടിച്ച് ബൈക്ക് യാത്രക്കാരന് പരിക്ക്.കൊടുമൺ ശ്രീവല്ലഭത്തിൽ മഹേഷിനാണ് (33) പരിക്കേറ്റത്. കൊടുമൺ- പറക്കോട് റോഡിൽ ചിരണിക്കൽ എംജിഎം സ്കൂളിനുസമീപം ഇന്നലെ രാവിലെ 10.30 നായിരുന്നു സംഭവം.
സ്വകാര്യ സ്ഥാപനത്തിലേക്ക് ജോലിക്ക് പോകാൻ ബൈക്കിൽ വരവേ റബർ തോട്ടത്തിൽ നിന്നും ഓടി വന്ന കാട്ടുപന്നി ബൈക്കിൽ ഇടിക്കുകയായിരുന്നു. ബൈക്കിൽ നിന്നും മഹേഷ് തെറിച്ച് ദൂരത്തേക്കു വീണു. കൈ കാലുകൾക്ക് പരിക്കേറ്റ മഹേഷിനെ ഉടൻ തന്നെ നാട്ടുകാർ ചേർന്ന് കൊടുമണ്ണിലെ സ്വകാര്യ ആശുപത്രിയിൽ പ്രവേശിപ്പിച്ചു.