ഗൂഡല്ലൂർ: വന്യമൃഗശല്യത്തിന് പരിഹാരം ആവശ്യപ്പെട്ട് അഞ്ചുകുന്നിൽ നാട്ടുകാർ നടത്തുന്ന അനിശ്ചിതകാല നിരാഹാര സമരം പത്താം ദിവസത്തേക്ക് കടന്നു. ദിവസവും രാവിലെ ഏഴ് മുതൽ വൈകുന്നേരം ആറ് വരെയാണ് സമരം.
പ്രശ്നം പരിഹൃതമാകുംവരെ സമരം തുടരാനാണ് നാട്ടുകാരുടെ തീരുമാനം. ഗൂഡല്ലൂർ, പന്തല്ലൂർ താലൂക്കുകളിലെ കർഷകരുടെ കൈവശഭൂമിക്ക് പട്ടയം നൽകുക, എല്ലാവർക്കും വൈദ്യുതി ലഭ്യമാക്കുക, മനുഷ്യാവകാശ ലംഘനങ്ങൾ അവസാനിപ്പിക്കുക തുടങ്ങിയ ആവശ്യങ്ങളും സമരക്കാർ ഉന്നയിക്കുന്നുണ്ട്.