കൽപ്പറ്റ: ബാണാസുര സാഗർ ഡാം ഹൈഡൽ ടൂറിസം കേന്ദ്രം വൈകുന്നേരം 5.45 വരെ തുറന്ന് പ്രവർത്തിക്കാൻ ജില്ലാ കളക്ടർ ഡി.ആർ. മേഘശ്രീ അനുമതി നൽകി ഉത്തരവായി. കാലവർഷം ശക്തി പ്രാപിച്ച സാഹചര്യത്തിൽ വിനോദസഞ്ചാര കേന്ദ്രത്തിൽ നിയന്ത്രണം ഏർപ്പെടുത്തുകയും തുടർന്ന് കേന്ദ്രം വൈകുന്നേരം നാല് വരെ തുറന്ന് പ്രവർത്തിക്കാനുള്ള അനുമതിയും നൽകിയിരുന്നു. സഞ്ചാരികളുടെ സുരക്ഷയിൽ പ്രത്യേക ശ്രദ്ധയുണ്ടാകണമെന്നും ഉത്തരവിൽ ജില്ലാ കളക്ടർ അറിയിച്ചു.