ഗു​രു​വാ​യൂ​ർ: ദേ​വ​സ്വ​ത്തി​ന്‍റെ ആ​ന​ക്കോ​ട്ട സ്ഥി​തിചെ​യ്യു​ന്ന പു​ന്ന​ത്തൂ​ർ കോ​വി​ല​കം പൊ​ളി​ച്ചുപ​ണി​യു​ന്നു.​ ര​ണ്ടു ദ​ശാ​ബ്ദ​ത്തി​ലേ​റെ​യാ​യി ജീ​ർ​ണാ​വ​സ്ഥ​യി​ലാ​യി​രു​ന്ന പു​ന്ന​ത്തൂ​ർ കോ​വി​ല​കം പു​ന്ന​ത്തൂ​ർ രാ​ജ​വം​ശ​ത്തി​ന്‍റെ ആ​സ്ഥാ​ന​മാ​യി​രു​ന്നു.

1975ൽ 9.75 ​ഏ​ക്ക​ർ സ്ഥ​ലം ഉ​ൾ​പ്പെ​ടെ 1.6 ല​ക്ഷ​ത്തി​നാ​ണ് കോ​വി​ല​കം ദേ​വ​സ്വ​ത്തി​ന് ന​ൽ​കി​യ​ത്. കോ​ട്ട​യി​ൽ നി​ല​നി​ൽ​ക്കു​ന്ന ര​ണ്ട് ക്ഷേ​ത്ര​ങ്ങ​ൾ സം​ര​ക്ഷി​ക്കു​ന്ന​തി​ന് 25,000 രൂ​പ കോ​വി​ല​കം ദേ​വ​സ്വ​ത്തി​ന് ന​ൽ​കി​യി​രു​ന്ന​താ​യും പ​റ​യു​ന്നു. നാ​ലു​കെ​ട്ട്, ന​ടു​മു​റ്റം, നാ​ട​ക​ശാ​ല എ​ന്നി​വ​യു​ള്ള കോ​വി​ല​ക​മാ​ണ് പു​തു​ക്കി പ​ണി​യു​ന്ന​ത്.​

ഇ​തി​ൽ നാ​ട​ക​ശാ​ല കാ​ൽനൂ​റ്റാ​ണ്ടുമു​മ്പ് ത​ക​ർ​ന്നുവീ​ണു. 2021ൽ 5.38 ​കോ​ടി​ക്ക് ത​യാ​റാ​ക്കി​യ വി​ശ​ദ​മാ​യ പ​ദ്ധ​തി​രേ​ഖ പ്ര​കാ​ര​മാ​ണ് കോ​വി​ല​കം പൊ​ളി​ച്ചുപ​ണി​യു​ന്ന​ത്. കോ​വി​ല​ക​ത്തി​ൻന്‍റെ ത​നി​മ നി​ലനി​ർ​ത്തി പ​ണി​ക​ൾ വ​ഴി​പാ​ടാ​യി സ​മ​ർ​പ്പി​ക്കു​ന്ന​ത് ത​മി​ഴ്നാ​ട് സ്വ​ദേ​ശി​യാ​യ ഭ​ക്ത​നാ​ണ്.​ നാളെ രാ​വി​ലെ പ​ണി​ക​ൾ ആ​രം​ഭി​ക്കും.