തൃ​പ്പൂ​ണി​ത്തു​റ: ഫ്ലാ​റ്റി​ൽ നി​ന്നു വീ​ണ് വി​ദ്യാ​ർഥി മ​രി​ച്ച സം​ഭ​വ​ത്തി​ൽ അ​ന്വേ​ഷ​ണ​മാ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കും ഡിജിപി​ക്കും ബാ​ലാ​വ​കാ​ശ ക​മ്മീ​ഷ​നും ര​ക്ഷി​താ​ക്ക​ൾ പ​രാ​തി ന​ൽ​കി. തൃ​പ്പൂ​ണി​ത്തു​റ ചോ​യ്സ് പാ​ര​ഡൈ​സി​ൽ താ​മ​സി​ക്കു​ന്ന സ​ലീം-റ​ജ്ന ദ​മ്പ​തി​ക​ളു​ടെ മ​ക​ൻ മി​ഹി​ർ അ​ഹ​മ്മ​ദാണ് (15) ഈ മാസം 15ന് ​ഫ്ലാ​റ്റി​ന്‍റെ 26-ാം നി​ല​യി​ൽ നി​ന്ന് വീ​ണ് മ​രി​ച്ചത്.

തി​രു​വാ​ണി​യൂ​ർ ഗ്ലോ​ബ​ൽ സ്കൂ​ളി​ലെ ഒന്പതാം ക്ലാ​സ് വി​ദ്യാ​ർ​ഥി​യാ​യി​രു​ന്ന മി​ഹി​ർ അ​ഹ​മ്മ​ദ് വൈ​കി​ട്ട് സ്കൂ​ളി​ൽ നി​ന്നെ​ത്തി​യ ശേ​ഷം 3.50 ഓ​ടെ താ​ഴേ​ക്ക് ചാ​ടു​ക​യാ​യി​രു​ന്നു​വെ​ന്നാ​ണ് പ​റ​ഞ്ഞ​ത്. സ്കൂ​ളി​ലു​ണ്ടാ​യ റാ​ഗിംഗാ​ണ് മി​ഹി​ർ അ​ഹ​മ്മ​ദ് മ​രി​ക്കാ​ൻ കാ​ര​ണ​മെ​ന്നാ​ണ് പ​രാ​തി​യി​ൽ പ​റ​യു​ന്ന​ത്.

സ​ഹ​പാ​ഠി​ക​ൾ മിഹിറിനെ വാ​ഷ്റൂ​മി​ൽ കൊ​ണ്ടു​പോ​യി ശാ​രീ​രി​ക​മാ​യി ഉ​പ​ദ്ര​വി​ക്കു​ക​യും ക്ലോ​സ​റ്റി​ൽ മു​ഖം താ​ഴ്ത്തി ഫ്ല​ഷ് ചെ​യ്യി​ച്ച​താ​യും മാ​താ​വ് റ​ജ്ന പ​റ​യു​ന്നു. മി​ഹി​റി​ന്‍റെ മ​ര​ണ​ത്തി​ൽ അ​ന്വേ​ഷ​ണ​മാ​വ​ശ്യ​പ്പെ​ട്ട് സ്കൂ​ളി​നെ​തി​രെ, ര​ക്ഷി​താ​ക്ക​ൾ ഹി​ൽ​പാ​ല​സ് പോ​ലീ​സി​ൽ ആ​ദ്യം പ​രാ​തി ന​ൽ​കി​യി​രു​ന്നു.