തിരുനാൾ ആഘോഷം
1509632
Thursday, January 30, 2025 7:14 AM IST
പായിപ്പാട് ലൂര്‍ദ് മാതാ പള്ളിയില്‍
പായിപ്പാട്: ലൂര്‍ദ്മാതാ പള്ളിയില്‍ ഇടവകമധ്യസ്ഥയായ പരിശുദ്ധ ലൂര്‍ദ്മാതാവിന്റെ തിരുനാള്‍ ഇന്നാരംഭിക്കും. രാവിലെ 6.10ന് വിശുദ്ധകുര്‍ബാന, കൊടിയേറ്റ് വികാരി ഫാ.ജോര്‍ജ് നൂഴായിത്തടം. വൈകുന്നേരം 4.30ന് വിശുദ്ധകുര്‍ബാന ഫാ. സാവിയോ മാനാട്ട്. നാളെ രാവിലെ 9.30ന് ദിവ്യകാരുണ്യാഗ്നി കണ്‍വന്‍ഷന്‍. 11.15ന് വിശുദ്ധകുര്‍ബാന. വൈകുന്നേരം ആറിന് വിശുദ്ധകുര്‍ബാന: ഫാ. അലക്‌സ് കിഴക്കേക്കടവില്‍. പ്രസംഗം: ഫാ. മിഖായേല്‍ കിങ്ങണംചിറ.
ഒന്നിന് രാവിലെ ആറിന് വിശുദ്ധ കുര്‍ബാന, 9.30ന് യുവദീപ്തി-എസ്എംവൈഎം പ്രവര്‍ത്തനവര്‍ഷം ഉദ്ഘാടനം. വൈകുന്നേരം 4.30ന് വിശുദ്ധകുര്‍ബാന: ഫാ. ബോണി ചോരേട്ട്. രണ്ടിന് ആറിനും 7.30നും 9.30നും വിശുദ്ധകുര്‍ബാന. വൈകുന്നേരം 4.30ന് കലാസന്ധ്യ. മൂന്നു മുതല്‍ ആറുവരെ രാവിലെ ആറിനും വൈകുന്നേരം 4.30നും വിശുദ്ധകുര്‍ബാന. ഫാ. വര്‍ഗീസ് പാലപ്പള്ളിയില്‍, ഫാ. ജോര്‍ജ് മാന്തുരുത്തില്‍, ഫാ. ലൂക്കാ വെട്ടുവേലിക്കളം, ഫാ. ചെറിയാന്‍ കുരിശുംമൂട്ടില്‍, ഫാ. ജേക്കബ് കളത്തിവീട്ടില്‍ എന്നിവര്‍ ശുശ്രൂഷകള്‍ക്ക് കാര്‍മികത്വം വഹിക്കും.
ഏഴിന് രാവിലെ ആറിനു വിശുദ്ധകുര്‍ബാന, 9.30ന് ദിവ്യകാരുണ്യാഗ്നി കണ്‍വന്‍ഷന്‍. രാത്രി ഏഴിന് പാലാ കമ്യൂണിക്കേഷന്‍സ് അവതരിപ്പിക്കുന്ന നാടകം: ലൈഫ് ഈസ് ബ്യൂട്ടിഫുള്‍. എട്ടിന് രാവിലെ ആറിന് വിശുദ്ധകുര്‍ബാന, വൈകുന്നേരം നാലിന് വിശുദ്ധകുര്‍ബാന ഫാ.ആന്‍ഡ്രൂസ് പാണംപറമ്പില്‍. അഞ്ചിന് ഹെര്‍മോണ്‍ ചാപ്പലിലേക്ക് പ്രദക്ഷിണം.
പ്രധാനതിരുനാള്‍ ദിനമായ ഒമ്പതിന് രാവിലെ 5.45ന് ഫാ. ജോര്‍ജ് നൂഴായിത്തടം, 7.45ന് ഫാ. ജോര്‍ജ് വാഴപ്പള്ളി, 9.30ന് ഫാ. ജോജോ പള്ളിച്ചിറ, വൈകുന്നേരം നാലിന് ഫാ. ക്ലിന്‍സ് മാളക്കാരന്‍, അഞ്ചിന് തുരുത്തിക്കടവ്, പൊടിപ്പാറ കുരിശടികളിലേക്ക് പ്രദക്ഷിണം. രാത്രി എട്ടിന് കൊടിയിറക്ക്, ആകാശവിസ്മയം.
വടക്കേക്കര സെന്‍റ് മേരീസ് പള്ളിയില്‍
വടക്കേക്കര: സെന്‍റ് മേരീസ് പള്ളിയില്‍ പരിശുദ്ധ കന്യക മറിയത്തിന്‍റെ തിരുനാള്‍ ഇന്നു മുതല്‍ ഫെബ്രുവരി ഒമ്പതുവരെ ആഘോഷിക്കും. ഇന്നു വൈകുന്നേരം 4.45ന് കൊടിയേറ്റ്, വിശുദ്ധകുര്‍ബാന ഫാ. ജോസഫ് കറുകയില്‍, വികാരി ഫാ. ജോബി മൂലയില്‍ എന്നിവര്‍ കാര്‍മികത്വം വഹിക്കും. നാളെ വൈകുന്നേരം അഞ്ചിന് വിശുദ്ധകുര്‍ബാന ഫാ. തോമസ് മംഗലത്ത്, ഒന്നിന് വൈകുന്നേരം അഞ്ചിന് വിശുദ്ധകുര്‍ബാന: രജത ജൂബിലി ആഘോഷിക്കുന്ന വൈദികര്‍ കാര്‍മികത്വം വഹിക്കും. ആര്‍ച്ച്ബിഷപ് മാര്‍ ജോസഫ് പെരുന്തോട്ടം സന്ദേശം നല്‍കും.
രണ്ടിന് ഇടവകദിനം. വൈകുന്നേരം 3.30ന് വിശുദ്ധകുര്‍ബാന, സന്ദേശം ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കല്‍, തുടര്‍ന്ന് കലാസന്ധ്യ. മൂന്നു മുതല്‍ ആറുവരെ തീയതികളില്‍ വൈകുന്നേരം അഞ്ചിനു വിശുദ്ധകുര്‍ബാന: ഫാ. ജയിംസ് കുന്നത്ത്, ഫാ. ജയിംസ് കലയംകണ്ടംമറ്റം, ഫാ. ഫിലിപ്പ് തയ്യില്‍, ഫാ. ടോണി ചെത്തിപ്പുഴ എന്നിവര്‍ വിശുദ്ധ കുര്‍ബാനയര്‍പ്പിക്കും. ആറിനു രാത്രി ഏഴിന് സാമൂഹിക നാടകം മുച്ചീട്ടു കളിക്കാരന്‍റെ മകള്‍.
ഏഴിനു വൈകുന്നേരം അഞ്ചിനു വിശുദ്ധകുര്‍ബാന ഫാ. വര്‍ഗീസ് കളത്തില്‍. തുടര്‍ന്ന് സെമിത്തേരി സന്ദര്‍ശനം. എട്ടിനു വൈകുന്നേരം 4.30ന് വിശുദ്ധ കുര്‍ബാന ഫാ. ആന്‍റണി കാട്ടൂപ്പാറ, പള്ളിക്കുള്ളില്‍ വിശുദ്ധ കുര്‍ബാനയുടെ പ്രദക്ഷിണം. തുടര്‍ന്ന് ആഘോഷമായ തിരുനാള്‍ പ്രദക്ഷിണം. ഫാ. തോമസ് പാറത്തോട്ടാല്‍, ഫാ. ജോമോന്‍ തെക്കുംതല എന്നിവര്‍ കാര്‍മികത്വം വഹിക്കും.
പ്രധാന തിരുനാള്‍ദിനമായ ഒമ്പതിനു രാവിലെ 9.30ന് വികാരി ഫാ. ജോബി മൂലയില്‍, വൈകുന്നേരം 4.30ന് മോണ്‍. മാത്യു ചങ്ങങ്കരി എന്നിവര്‍ വിശുദ്ധ കുര്‍ബാനയര്‍പ്പിക്കും. തുടര്‍ന്ന് പാലാത്ര ചിറയിലേക്ക് പ്രദക്ഷിണം. ഫാ. ടോം വാറനാത്ത് കാര്‍മികനായിരിക്കും. തുടര്‍ന്ന് കൊടിയിറക്ക്.