എസി കോളനി പൂവം പാടത്ത് : രണ്ടു പാലങ്ങളുടെ നിര്‍മാണത്തിന് തു‌ടക്കം
1509309
Wednesday, January 29, 2025 7:19 AM IST
ചങ്ങനാശേരി: പായിപ്പാട് പഞ്ചായത്ത് ഒന്നാംവാര്‍ഡില്‍ എസി കോളനി പൂവം പാടത്തിന്‍റെ പെട്ടത്തറയുടെ രണ്ട് കലുങ്ക് നിര്‍മാണത്തിന് 21 ലക്ഷം രൂപയുടെ പദ്ധതി. നാട്ടുകാരുടെ നിരന്തര അഭ്യര്‍ഥന പരിഗണിച്ച ജോബ് മൈക്കിള്‍ എംഎല്‍എയുടെ പരിശ്രമഫലമായിട്ടാണ് പദ്ധതിക്ക് പണം അനുവദിച്ചത്.
വര്‍ഷങ്ങളായി യാത്രാസൗകര്യമില്ലാതെ ബുദ്ധിമുട്ടുന്ന ആ പ്രദേശത്തെ ജനങ്ങള്‍ക്ക് പാലം പണി പൂര്‍ത്തിയാകുന്നതോടെ ഏറെ ആശ്വാസകരമായി മാറും. പാലം പൂര്‍ത്തിയാകുന്നതോടെ കൃഷിക്കാര്‍ക്കും സാധാരണക്കാര്‍ക്കും വിദ്യാര്‍ഥികള്‍ക്കും യാത്രസുഗമമാകും.
പായിപ്പാട് പഞ്ചായത്ത് പ്രസിഡന്‍റ് കെ.ഡി. മോഹനന്‍ അധ്യക്ഷത വഹിച്ച യോഗത്തില്‍ ജോബ് മൈക്കിള്‍ എംഎല്‍എ നിര്‍മാണം ഉദ്ഘാടനം ചെയ്തു. മാടപ്പള്ളി ബ്ലോക്ക് പഞ്ചായത്ത് പ്രസിഡന്‍റ് എം. രാജു, ജോണ്‍സണ്‍ അലക്‌സാണ്ടര്‍, ജി. ജയന്‍ തുടങ്ങിയവര്‍ പ്രസംഗിച്ചു.