പാലാക്കുന്നേല്‍ വല്യച്ചനെ ചരിത്രകാരന്മാര്‍ അവഗണിക്കുന്നു: മാര്‍ ജോസഫ് പെരുന്തോട്ടം
1509312
Wednesday, January 29, 2025 7:26 AM IST
ചങ്ങനാശേരി: പാണ്ഡിത്യത്താലും കര്‍മശോഭയാലും കേരള സമൂഹത്തിനു മാതൃകയായ പാലാക്കുന്നേല്‍ മത്തായി മറിയം കത്തനാരെ ചരിത്രകാരന്മാര്‍ അവഗണിക്കുകയാണെന്ന് ആര്‍ച്ച് ബിഷപ് മാര്‍ ജോസഫ് പെരുന്തോട്ടം. സെന്‍റ് ബര്‍ക്കുമന്‍സ് കോളജ് സുറിയാനി വിഭാഗം സംഘടിപ്പിച്ച ഫാ. ഹഡ്രിയാന്‍ സ്മാരക സുറിയാനി സിമ്പോസിയം ഉദ്ഘാടനം ചെയ്യുകയായിരുന്നു ആര്‍ച്ച്ബിഷപ്.
മോണ്‍. കല്ലറയ്ക്കല്‍ ഹാളില്‍ നടന്ന സിമ്പോസിയത്തില്‍ ഡോ. ഫെബിന്‍ ജോര്‍ജ്, ഡോ. റിതിന്‍ വര്‍ഗീസ്, റ്റോംസ് ജോസഫ്, മാത്യു ആന്‍റണി എന്നിവര്‍ പ്രബന്ധങ്ങള്‍ അവതരിപ്പിച്ചു. കോളജ് പ്രിന്‍സിപ്പല്‍ ഫാ. റെജി പി. കുര്യന്‍, ഫാ. സുജയ് ജോണ്‍ പ്ലാത്താനം, ബിജോയ് പാലാക്കുന്നേല്‍, ജൂഡ്‌സണ്‍ ജോസ്, ഹെവന്‍ലി കോശി ടോം എന്നിവര്‍ പ്രസംഗിച്ചു.