റേഷൻകടകൾക്കു മുന്നിൽ കോൺഗ്രസ് ധർണ
1509290
Wednesday, January 29, 2025 7:05 AM IST
ഏറ്റുമാനൂർ: പൊതുവിതരണ സംവിധാനങ്ങളെ തകർക്കുന്ന സർക്കാരിന്‍റെ നയങ്ങൾക്കെതിരേ സംസ്ഥാന വ്യാപകമായി നടത്തുന്ന സമരത്തിന്‍റെ ഭാഗമായി ഏറ്റുമാനൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ റേഷൻകടയ്ക്കു മുന്നിൽ ധർണ നടത്തി. ഡിസിസി പ്രസിഡന്‍റ് നാട്ടകം സുരേഷ് ഉദ്ഘാടനം ചെയ്തു.
മണ്ഡലം പ്രസിഡന്‍റ് പി.വി. ജോയ് പൂവംനിൽക്കുന്നതിൽ അധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡന്‍റ് ജോറോയി പൊന്നാറ്റിൽ, മുനിസിപ്പൽ ചെയർപേഴ്സൺ ലൗലി ജോർജ്, യുഡിഎഫ് നിയോജകമണ്ഡലം പ്രസിഡന്‍റ് ടോമി പുളിമാൻതുണ്ടം, സഹകരണ ബാങ്ക് പ്രസിഡന്‍റ് ബിജു കുമ്പിക്കൻ, മുൻ മുനിസിപ്പൽ ചെയർമാൻ ജയിംസ് തോമസ് പ്ലാക്കിത്തൊട്ടി, കോൺഗ്രസ് ബ്ലോക്ക് ജനറൽ സെക്രട്ടറിമാരായ വിഷ്ണു ചെമ്മുണ്ടവള്ളി, ജോൺസൺ തീയാട്ട് പറമ്പിൽ, ആർ. രവികുമാർ തുടങ്ങിയവർ പ്രസംഗിച്ചു.
അതിരമ്പുഴ: അതിരമ്പുഴ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ റേഷൻ കടയ്ക്ക് മുമ്പിൽ ധർണ നടത്തി. ധർണയും യോഗവും ബ്ലോക്ക് കോൺഗ്രസ് പ്രസിഡന്‍റ് ജോറോയി പൊന്നാറ്റിൽ ഉദ്ഘാടനം ചെയ്തു.
മണ്ഡലം പ്രസിഡന്‍റ് ജൂബി ഐക്കരക്കുഴി അധ്യക്ഷത വഹിച്ചു. പി.വി. മൈക്കിൾ, ടി.എസ്. അൻസാരി, ബിജു വലിയമല, ഹരികുമാർ മാന്നാനം, ജോജോ ആട്ടയിൽ, ജോസഫ് ചാക്കോ, ടോം പണ്ടാരക്കളം, ജയിംസ് തോമസ്, ജോയി വേങ്ങച്ചുവട്ടിൽ, ടോമി മണ്ഡപത്തിൽ, ജോജോ പുന്നയ്ക്കാപള്ളി, തോമസ് ഉള്ളംപള്ളി, റോയി കല്ലുങ്കൽ തുടങ്ങിയവർ പ്രസംഗിച്ചു.
ആർപ്പൂക്കര: ആർപ്പൂക്കര മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ കോലേട്ടമ്പലം ജംഗ്ഷനിൽ റേഷൻകടയ്ക്കു മുമ്പിൽ നടത്തിയ നടത്തിയ ധർണ ഡിസിസി പ്രസിഡന്‍റ് നാട്ടകം സുരേഷ് ഉദ്ഘാടനം ചെയ്തു. മണ്ഡലം പ്രസിഡന്‍റ് ജോൺസൺ സി. ജോസഫ് അധ്യക്ഷത വഹിച്ചു. നീണ്ടൂർ മുരളി, എസി കെ. തോമസ്, കെ.ജെ. സെബാസ്റ്റ്യൻ, ദീപാ ജോസ്, അരുൺ ഫിലിപ്പ്, ടി.എസ്. രാജു, ടോമിച്ചൻ ജോർജ്, റോയി പുതുശേരി, സുനിതാ ബിനു, ജിബിൻ ജോസഫ് വല്ലേരി എന്നിവർ പ്രസംഗിച്ചു.
പള്ളിക്കത്തോട്: സാധനങ്ങള്‍ കടയില്‍ ഇല്ലാതെ റേഷന്‍ സംവിധാനം അട്ടിമറിക്കാന്‍ ശ്രമിക്കുന്ന സര്‍ക്കാരുകള്‍ക്കെതിരേ പള്ളിക്കത്തോട് കോണ്‍ഗ്രസ് മണ്ഡലം കമ്മിറ്റി പ്രസിഡന്‍റ് ജോജി മാത്യുവിന്‍റെ നേതൃത്വത്തില്‍ ധര്‍ണ നടത്തി. ഡിസിസി സെക്രട്ടറി ഷിന്‍സ് പീറ്റര്‍ ഉദ്ഘാടനം നിര്‍വഹിച്ചു. ജയിംസ് മുകളേല്‍, സാജു മറ്റം, പ്രീതാ ബിജു, ലൈസാമ്മ, വിനു സുനില്‍, ഇ.വി. തോമസ്, അമ്പിളി എന്നിവര്‍ പ്രസംഗിച്ചു.