സെന്‍റ് മേരീസ് യുപി സ്‌കൂള്‍ വാര്‍ഷികവും യാത്രയയപ്പും നാളെയും മറ്റെന്നാളും
1509314
Wednesday, January 29, 2025 7:26 AM IST
കൂത്രപ്പള്ളി: കൂത്രപ്പള്ളി സെന്‍റ് മേരീസ് യുപി സ്‌കൂള്‍ 104-ാമത് വാര്‍ഷികാഘോഷവും സര്‍വീസില്‍നിന്ന് വിരമിക്കുന്ന ഹെഡ്മാസ്റ്റര്‍ സിബിച്ചന്‍ കുരുവിളയുടെയും അധ്യാപിക സിസ്റ്റര്‍ ജാന്‍സമ്മ വര്‍ഗീസിന്‍റെയും യാത്രയയപ്പ് സമ്മേളനവും അവാര്‍ഡ് ദാനവും നാളെയും 31നുമായി കൂത്രപ്പള്ളി സെന്‍റ് മേരീസ് പാരീഷ് ഹാളില്‍ നടക്കും.
കെജി വിഭാഗത്തിന്‍റെ ആഭിമുഖ്യത്തില്‍ നാളെ രാവിലെ 10.30ന് ഉല്ലാസ്- 2025 അതിരൂപത വികാരി ജനറാൾ മോൺ. ആന്‍റണി ഏത്തയ്ക്കാട്ട് ഉദ്ഘാടനം ചെയ്യും. സ്‌കൂള്‍ മാനേജര്‍ ഫാ. തോമസ് മംഗലത്ത് അധ്യക്ഷത വഹിക്കും. ഡി പോള്‍ ഡയറക്ടര്‍ ഫാ. തോമസ് പാണനാല്‍ അവാര്‍ഡുകള്‍ വിതരണം ചെയ്യും. ഹെഡ്മാസ്റ്റര്‍ സിബിച്ചന്‍ കുരുവിള, പിടിഎ പ്രസിഡന്‍റ് ബൈജു തോമസ്, എംപിടിഎ പ്രസിഡന്‍റ് പിങ്കി രാജു, ആഷ്മി സെബാസ്റ്റ്യന്‍ എന്നിവര്‍ പ്രസംഗിക്കും.
സ്‌കൂളില്‍ പുതുതായി നിര്‍മിച്ച പ്രവേശനകവാടത്തിന്‍റെ വെഞ്ചരിപ്പ് 31ന് രണ്ടിനു നടക്കും. തുടര്‍ന്ന് നടക്കുന്ന വാര്‍ഷികാഘോഷ-യാത്രയയപ്പു സമ്മേളനത്തില്‍ ആര്‍ച്ച്ബിഷപ് മാര്‍ തോമസ് തറയില്‍ അനുഗ്രഹ പ്രഭാഷണം നടത്തും. കോര്‍പറേറ്റ് മാനേജര്‍ ഫാ. മനോജ് കറുകയില്‍ അധ്യക്ഷ വഹിക്കും. മന്ത്രി വി.എന്‍. വാസവന്‍ ഉദ്ഘാടനം നിര്‍വഹിക്കും. മന്ത്രി റോഷി അഗസ്റ്റിന്‍, ചീഫ് വിപ്പ് ഡോ. എന്‍. ജയരാജ്, ആന്‍റണി ആന്‍റണി എംപി, ജോബ് മൈക്കിള്‍ എംഎല്‍എ എന്നിവര്‍ പ്രസംഗിക്കും.