ദൈവദാസന്‍ മാര്‍ മാത്യു മാക്കീൽ അനുസ്മരണം നടത്തി
1509033
Tuesday, January 28, 2025 8:15 AM IST
കോട്ടയം: ഇടയ്ക്കാട്ട് സെന്റ് ജോര്‍ജ് ഫൊറോന പള്ളിയില്‍ ദൈവദാസന്‍ മാര്‍ മാത്യു മാക്കീലിന്‍റെ 111-ാം ചരമവാര്‍ഷികം സംഘടിപ്പിച്ചു. ഒന്പതു ദിവസം നീണ്ടു നിന്ന അനുസ്മരണ ശുശ്രൂഷകളില്‍ കോട്ടയം അതിരൂപത സഹായമെത്രാന്‍ ഗീവര്‍ഗീസ് മാര്‍ അപ്രേം, ഫാ. തോമസ് ആദോപ്പിള്ളില്‍, ഫാ. റെജി മുട്ടത്തില്‍, ഫാ. മാത്യു കുളക്കാട്ടുകുടി, ഫാ. ജിനു ആവണിക്കുന്നേല്‍, ഫാ. ജോസ് കന്നുവെട്ടിയേല്‍, ഫാ. മൈക്കിള്‍ വെട്ടിക്കാട്ട്, ഫാ. എബി വടക്കേടം എന്നിവ ശുശ്രൂഷകള്‍ക്കു നേതൃത്വം നല്കി.
സമാപന ദിവസം ആര്‍ച്ച്ബിഷപ് മാര്‍ മാത്യു മൂലക്കാട്ട് വിശുദ്ധ കുര്‍ബാനയര്‍പ്പിച്ചു. ഫാ. സജി മലയില്‍ പുത്തന്‍പുരയില്‍, ഫാ. ബിബിന്‍ ചക്കുങ്കല്‍ എന്നിവര്‍ സഹകാര്‍മികത്വം വഹിച്ചു. എസ്എച്ച് മൗണ്ട് ഇടവകാംഗങ്ങളുടെ നേതൃത്വത്തില്‍ കബറിടത്തിലേക്ക് വിശ്വാസപ്രഘോഷണ യാത്രയും നടത്തിയിരുന്നു. പരിപാടികള്‍ക്കു ഇടയ്ക്കാട്ട് സെന്റ് ജോര്‍ജ് ഫൊറോന പള്ളി വികാരി ഫാ. സജി മലയില്‍ പുത്തന്‍പുരയില്‍, വിസിറ്റേഷന്‍ സന്യാസിനി സമൂഹവും നേതൃത്വം നല്കി.