ലൂര്‍ദ് തിരുനാള്‍ 31നു കൊടിയേറും; എട്ടിനു നഗരപ്രദക്ഷിണം
1509032
Tuesday, January 28, 2025 8:15 AM IST
കോട്ടയം: ലൂര്‍ദ് ഫൊറോന പള്ളിയില്‍ ലൂര്‍ദ് മാതാവിന്‍റെയും വിശുദ്ധ സെബസ്ത്യാനോസിന്‍റെയും തിരുനാളിനു 31നു കൊടിയേറും. ഫെബ്രുവരി ഒമ്പതിനു സമാപിക്കും. ഫെബ്രുവരി ഏഴിനു പൂര്‍വിക സ്മരണയും എട്ടിനു നഗരപ്രദക്ഷിണവും നടക്കും. പ്രധാന തിരുനാള്‍ ദിനം ഒമ്പതിനാണ്. 31നു വൈകുന്നേരം 4.45ന് ലൂര്‍ദ്ദ് ഫൊറോന പള്ളി വികാരി ഫാ. ഫിലിപ്പ് നെല്‍പ്പുരപ്പറമ്പില്‍ തിരുനാളിനു കൊടിയേറ്റും. ഫാ. തോമസ് പാറത്താനം, ഫാ. ജോണ്‍ തത്തകാട്ടുപുളിക്കല്‍, ഫാ. വര്‍ഗീസ് പുളിക്കപ്പടവില്‍ എന്നിവര്‍ സഹകാര്‍മികരായിരിക്കും. അഞ്ചിന് വിശുദ്ധ കുര്‍ബാന.
ഫെബ്രുവരി രണ്ടിനു രാവിലെ 5.15നു വിശുദ്ധ കുര്‍ബാന: ഫാ. വര്‍ഗീസ് പുളിക്കപ്പടവില്‍, 6.30ന് വിശുദ്ധ കുര്‍ബാന: ഫാ. ഫിലിപ്പ് നെല്‍പ്പുരപ്പറമ്പില്‍, എട്ടിന് വിശുദ്ധ കുര്‍ബാന: ആര്‍ച്ച്ബിഷപ് മാര്‍ ജോസഫ് പെരുന്തോട്ടം, 10ന് വിശുദ്ധ കുര്‍ബാന: ഫാ. ജോണ്‍ തത്തകാട്ടുപുളിക്കല്‍, വൈകുന്നേരം അഞ്ചിന് വിശുദ്ധ കുര്‍ബാന: ഫാ. വര്‍ഗീസ് മറ്റത്തില്‍.
മൂന്നിനു വൈകുന്നേരം അഞ്ചിനു വിശുദ്ധ കുര്‍ബാന: ഫാ. മാത്യു കക്കാട്ടുപിള്ളില്‍, അഞ്ചിനു വൈകുന്നേരം അഞ്ചിനു വിശുദ്ധ കുര്‍ബാന: ഫാ. അജി ചെറുകാക്രാഞ്ചേരില്‍, ആറിനു വൈകുന്നേരം അഞ്ചിനു വിശുദ്ധ കുര്‍ബാന: ഫാ. പ്രദീപ് വാഴത്തറമലയില്‍. ആറിനു ദിവ്യകാരുണ്യ പ്രദക്ഷിണം: ഫാ. തോമസ് പാറത്താനം മുഖ്യകാര്‍മികനായിരിക്കും. പൂര്‍വിക സ്മരണദിനമായ ഏഴിനു വൈകുന്നേരം അഞ്ചിനു ചങ്ങനാശേരി അതിരൂപത വികാരി ജനറാള്‍ മോൺ. ആന്‍റണി എത്തയ്ക്കാട്ട് വിശുദ്ധ കുര്‍ബാനയ്ക്ക് കാര്‍മികത്വം വഹിക്കും. തുടര്‍ന്ന് സെമിത്തേരിയിലേക്കു പ്രദക്ഷിണം, പൂര്‍വിക സ്മരണയ്ക്കു മുന്‍ വികാരി ഫാ. ജോസഫ് മണക്കളം കാര്‍മികത്വം വഹിക്കും. 7.30ന് മ്യൂസിക്കല്‍ വിഷ്വല്‍- മാജിക്‌ഷോ.
എട്ടിനു വൈകുന്നേരം 4.30ന് ഫാ. ആന്‍റണി അറയ്ക്കത്തറയുടെ കാര്‍മികത്വത്തില്‍ വിശുദ്ധ കുര്‍ബാന. തുടര്‍ന്ന് ആറിന് നഗരപ്രദക്ഷിണം; ലൂര്‍ദ് മാതാവിന്‍റെയും വിശുദ്ധ സെബസ്ത്യാനോസിന്‍റെയും രൂപങ്ങൾ വഹിച്ചുള്ള പ്രദക്ഷിണം വാദ്യമേളങ്ങളുടെ അകമ്പടിയോടെ കെകെ റോഡുവഴി ക്രിസ്തു രാജ കത്തീഡ്രല്‍ കുരിശടിയിലെത്തി മടങ്ങും. തുടര്‍ന്ന് ലൈറ്റ് ആന്‍ഡ് സൗണ്ട് ഷോ, ചെണ്ട-വയലിന്‍ ഫ്യൂഷന്‍, കരിമരുന്ന് കലാപ്രകടനം.
പ്രധാന തിരുനാള്‍ ദിനമായ ഒമ്പതിനു രാവിലെ 5.15നും 6.30നും വിശുദ്ധ കുര്‍ബാന, ഒമ്പതിനു തിരുനാള്‍ റാസ: ഫാ. ജേക്കബ് ചക്കാത്ര മുഖ്യകാര്‍മികത്വം വഹിക്കും. ഫാ. ജോബിന്‍ വാണിയപറമ്പില്‍ തിരുനാള്‍ സന്ദേശം നല്‍കും. 12ന് തിരുനാള്‍ പ്രദക്ഷിണം. വൈകുന്നേരം അഞ്ചിന് വിശുദ്ധ കുര്‍ബാന: ഫാ. തോമസ് പാറത്താനം. തുടര്‍ന്ന് കൊടിയിറക്ക്.
തിരുനാളിന്‍റെ ഒരുക്കങ്ങള്‍ പൂര്‍ത്തിയായതായി തിരുനാള്‍ ആഘോഷക്കമ്മിറ്റി ജനറല്‍ കണ്‍വീനര്‍ ഫാ. വര്‍ഗീസ് പുളിക്കപ്പടവില്‍, കണ്‍വീനര്‍മാരായ ഫ്രാന്‍സി ജോസഫ്, ജോര്‍ജ് തറപ്പേല്‍, സ്‌കറിയ ജോസഫ്, സാജന്‍ ആന്‍റണി, കൈക്കാരന്മാരായ ജോര്‍ജ്കുട്ടി ഫിലിപ്പ്, ജസ്റ്റിന്‍ കുര്യാക്കോസ്, തോമസ് ആന്‍റണി, ജോസ് തോമസ് എന്നിവര്‍ അറിയിച്ചു.