പ്രൗഢസമ്മേളനമായി എസ്ബി കോളജ് പൂര്‍വവിദ്യാര്‍ഥീ മഹാസംഗമം
1509025
Tuesday, January 28, 2025 8:07 AM IST
ചങ്ങനാശേരി: എസ്ബി കോളജ് പൂര്‍വ വിദ്യാര്‍ഥി മഹാസമ്മേളനം പൂര്‍വ വിദ്യാര്‍ഥിയും ബംഗളൂരു സേവ്യര്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്‍റ് ആൻഡ് ഓന്‍ട്രപ്രണര്‍ഷിപ് ചെയര്‍മാനുമായ പ്രഫ. ജെ. ഫിലിപ്പ് ഉദ്ഘാടനം ചെയ്തു. അലുമ്‌നി അസോസിയേഷന്‍ പ്രസിഡന്‍റ് ഡോ. എന്‍. എം. മാത്യു അധ്യക്ഷത വഹിച്ചു.
അതിരൂപത വികാരി ജനറാളും കോളജ് മാനേജരുമായ മോണ്‍. ആന്‍റണി എത്തയ്ക്കാട്ട് അനുഗ്രഹ പ്രഭാഷണം നടത്തി. പ്രിന്‍സിപ്പല്‍ ഫാ. റെജി പ്ലാത്തോട്ടം മികച്ച വിദ്യാര്‍ഥികള്‍ക്ക് വിവിധ സ്‌കോളര്‍ഷിപ്പുകള്‍ വിതരണം ചെയ്തു. 1975ല്‍ കോളജില്‍നിന്ന് പഠനം പൂര്‍ത്തിയാക്കി 50 വര്‍ഷം പിന്നിട്ട പൂര്‍വ വിദ്യാര്‍ഥികളെയും ഡോ. അലക്‌സാണ്ടര്‍ തോമസ്, റോസി പോത്തന്‍, ടോജി തോമസ് എന്നിവരെയും ആദരിച്ചു.
ജോബ് മൈക്കിള്‍ എംഎല്‍എ, ബ്രിഗേഡിയര്‍ ഒ.എ. ജയിംസ്, മുന്‍ പ്രിന്‍സിപ്പല്‍ ഡോ. സ്റ്റീഫന്‍ മാത്യൂസ്, ബര്‍സാര്‍ ഫാ. ജയിംസ് ആന്‍റണി, വൈസ് പ്രിന്‍സിപ്പല്‍മാരായ റവ.ഡോ. ടെഡി കാഞ്ഞൂപ്പറമ്പില്‍, ഡോ. സിബി ജോസഫ് കെ, അസോസിയേഷന്‍ ഭാരവാഹികളായ ഡോ. ഷിജോ കെ. ചെറിയാന്‍, ഫാ. ജോണ്‍ ജെ. ചാവറ, ഡോ. ജോസഫ് ജോബ്, ഷാജി പാലാത്ര, ഡോ. സെബിന്‍ എസ്. കൊട്ടാരം, ഡോ. റോസമ്മ ഫിലിപ്പ്, ഡോ. ജോസ് പി. ജേക്കബ്, ജോഷി ഏബ്രഹാം, ജിജി ഫ്രാന്‍സിസ് നിറപറ, ഡോ. രാജന്‍ കെ. അമ്പൂരി, ഡോ. ജോസഫ് പൊന്നോലി, ഡോ. ബിന്‍സായ് സെബാസ്റ്റ്യന്‍, സിബി ചാണ്ടി എന്നിവര്‍ പ്രസംഗിച്ചു.
കേരള യൂണിവേഴ്‌സിറ്റി മുന്‍ വൈസ് ചാന്‍സലര്‍ ഡോ. ബി. ഇക്ബാല്‍, ബ്രിസ്റ്റോള്‍ നോര്‍ത്ത് മേയര്‍ എമിരറ്റസ് ടോം ആദിത്യ അടക്കമുള്ള പൂര്‍വവിദ്യാര്‍ഥികള്‍ പങ്കെടുത്തു. തുടര്‍ന്ന് കലാസന്ധ്യയും സ്‌നേഹവിരുന്നും ഉണ്ടായിരുന്നു.