സഭൈക്യ പ്രസ്ഥാനം വിശ്വാസത്തിന് ശക്തി പകര്‍ന്നു: മോണ്‍. മാത്യു ചങ്ങങ്കരി
1509021
Tuesday, January 28, 2025 8:07 AM IST
ചങ്ങനാശേരി: ലോകമെങ്ങുമുള്ള സഭൈക്യപ്രസ്ഥാനം ക്രൈസ്തവ വിശ്വാസത്തിന് ശക്തി പകര്‍ന്നതായി അതിരൂപത വികാരിജനറാള്‍ മോണ്‍. മാത്യു ചങ്ങങ്കരി. എപ്പിസ്‌കോപ്പല്‍ സഭകളുടെ കൂട്ടായ്മയായ ചങ്ങനാശേരി എക്യുമെനിക്കല്‍ മൂവ്‌മെന്‍റ് (സെം ) സംഘടിപ്പിച്ച സഭൈക്യ പ്രാര്‍ഥനാ വാരാചരണത്തിന്‍റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഓര്‍ത്തോഡോക്‌സ് പള്ളി വികാരി ഫാ. കുര്യന്‍ തോമസ് കരിപ്പാല്‍ കോര്‍എപ്പിസ്‌കോപ്പ അധ്യക്ഷത വഹിച്ചു. സെം ഡയറക്ടര്‍ ഫാ. ജയിംസ് കൊക്കാവയലില്‍, ഫാ. പ്രവീണ്‍ ജോര്‍ജ് ചാക്കോ, ഫാ.കെ. സാമുവല്‍, ജനറല്‍ കണ്‍വീനര്‍ ജസ്റ്റിന്‍ ബ്രൂസ്, കോഓര്‍ഡിനേറ്റര്‍മാരായ ജോസുകുട്ടി കൂട്ടംപേരൂര്‍, സോളമന്‍ ജോസഫ്, സെക്രട്ടറി സുജ സണ്ണി, ജോര്‍ജ് ഏബ്രഹാം, ബേബി ദാനിയേല്‍, ജയ്‌സണ്‍ കെ. വര്‍ഗീസ്, കുര്യന്‍ പി. തര്യന്‍, സോളമന്‍ ജോസഫ്, ഔസേപ്പച്ചന്‍ ചെറുകാട്, ജോണ്‍ തോമസ് എന്നിവര്‍ പ്രസംഗിച്ചു.