ക​ടു​ത്തു​രു​ത്തി: നാ​ടി​നും ഇ​ട​വ​ക​യ്ക്കും അ​നു​ഗ്ര​ഹ​ങ്ങ​ല്‍ വ​ര്‍ഷി​ച്ചു വി​ശു​ദ്ധ സെ​ബ​സ്ത്യാ​നോ​സി​ന്‍റെ ദേ​ശ​പ്ര​ദ​ക്ഷി​ണം. വി​ശു​ദ്ധ​ന്‍റെ തി​രു​നാ​ളി​നോ​ടു​നു​ബ​ന്ധി​ച്ചു ക​ടു​ത്തു​രു​ത്തി സെ​ന്‍റ് മേ​രീ​സ് ഫൊ​റോ​നാ താ​ഴ​ത്തു​പ​ള്ളി ഇ​ട​വ​ക​യു​ടെ നേ​തൃ​ത്വ​ത്തി​ലാ​ണ് തി​രു​സ്വ​രൂ​പ​വും വ​ഹി​ച്ചു​ള്ള ദേ​ശ​പ്ര​ദ​ക്ഷി​ണം ന​ട​ന്ന​ത്. വൈ​കു​ന്നേ​രം അ​ഞ്ചി​ന് വി​ശു​ദ്ധ സെ​ബ​സ്ത്യാ​നോ​സി​ന്‍റെ ദേ​ശ​പ്ര​ദ​ക്ഷി​ണം പ​ള്ളി​യി​ല്‍ നി​ന്നും ആ​രം​ഭി​ച്ചു.

നാ​ലാം വ​ര്‍ഷ​മാ​ണ് ഇ​ട​വ​ക​യി​ല്‍ വി​ശു​ദ്ധ​ന്‍റെ തി​രു​നാ​ളി​നോ​ടു​നു​ബ​ന്ധി​ച്ചു ദേ​ശ​പ്ര​ദ​ക്ഷി​ണം ന​ട​ക്കു​ന്ന​ത്. ഒ​രു​കാ​ല​ത്ത് പ​ക​ര്‍ച്ച​വ്യാ​ധി​ക​ള്‍ ഉ​ള്‍പ്പെ​ടെ​യു​ള്ള മാ​ര​ക രോ​ഗ​ങ്ങ​ള്‍ നാ​ട്ടി​ലു​ണ്ടാ​കു​മ്പോ​ള്‍ വി​ശ്വാ​സി​ക​ള്‍ വി​ശു​ദ്ധ സെ​ബാ​സ്ത്യാ​നോ​സി​ന്‍റെ മാ​ധ്യ​സ്ഥ്യം തേ​ടി​യാ​ണ് ഇ​വ​യി​ല്‍ നി​ന്നും ര​ക്ഷ നേ​ടി​യി​രു​ന്ന​ത്.

ഇ​ട​വ​ക​യെ​യും നാ​ടി​നെ​യും രോ​ഗ​ങ്ങ​ളി​ല്‍ നി​ന്നും ക്ലേ​ശ​ങ്ങ​ളി​ല്‍ നി​ന്നും ര​ക്ഷി​ക്കാ​ന്‍ ആ​ണ്ടു​തോ​റും പു​ണ്യാ​ള​ന്‍റെ തി​രു​സ്വ​രൂ​പ​വു​മാ​യി ന​ട​ക്കു​ന്ന ദേ​ശ​പ്ര​ദ​ക്ഷി​ണം തു​ണ​യാ​കു​ന്ന​താ​യി ജാ​തി, മ​ത വി​ത്യാ​സ​മി​ല്ലാ​തെ ഏ​വ​രും വി​ശ്വ​സി​ക്കു​ന്നു. പ​ള്ളി​യി​ല്‍ നി​ന്നും വി​ശു​ദ്ധ​ന്‍റെ തി​രു​സ്വ​രൂ​പം ര​ണ്ട് വാ​ഹ​ന​ങ്ങ​ളി​ലാ​യി ഇ​ട​വ​ക​യു​ടെ ര​ണ്ട് ദി​ക്കു​ക​ളി​ലേ​ക്കാ​യി യാ​ത്ര ആ​രം​ഭി​ച്ചു. ഓ​രോ പ്ര​ദ​ക്ഷി​ണ​ത്തി​നൊ​പ്പ​വും ഇ​ട​വ​ക വൈ​ദിക​രു​മു​ണ്ടാ​യി​രു​ന്നു. പ​ള്ളി​യി​ലെ പ്രാ​ര്‍ത്ഥ​നാ കൂ​ട്ടാ​യ്മ​ക​ള്‍ അ​ടി​സ്ഥാ​ന​മാ​ക്കി പ്ര​ത്യേ​കം ഒ​രു​ക്കി​യി​രി​ക്കു​ന്ന വി​വി​ധ കേ​ന്ദ്ര​ങ്ങ​ളി​ല്‍ പ്ര​ദ​ക്ഷി​ണ​ത്തി​ന് സ്വീ​ക​ര​ണം ന​ല്‍കി.

ഇ​വി​ടെ​ല്ലാം പ്ര​ത്യേ​ക പ്രാ​ര്‍ത്ഥ​ന​ക​ളും ന​ട​ന്നു. കൂ​ടാ​തെ വെ​ള്ളാ​ശേരി​യി​ലെ​യും കെ​എ​സ്പു​ര​ത്തെ​യും കു​രി​ശു​പ​ള്ളി​ക​ളി​ലും പ്ര​ദ​ക്ഷി​ണ​ത്തി​ന് സ്വീ​ക​ര​ണം ന​ല്‍കി. വി​വി​ധ കേ​ന്ദ്ര​ങ്ങ​ളി​ൽ സ്വീ​ക​ര​ണ​ങ്ങ​ള്‍ക്കു ശേ​ഷം 9.45 ഓ​ടെ ദേ​ശ​പ്ര​ദക്ഷിണ​ങ്ങ​ള്‍ പ​ള്ളി​യി​ല്‍ സ​മാ​പ​ിച്ചു. ഫൊ​റോ​നാ വി​കാ​രി ഫാ.​ മാ​ത്യു ച​ന്ദ്ര​ന്‍കു​ന്നേ​ല്‍, സ​ഹ​വി​കാ​രി​മാ​രാ​യ ഫാ.​ മാ​ത്യു ത​യ്യി​ല്‍, ഫാ.​ജോ​സ​ഫ് ചീ​നോ​ത്തു​പ​റ​മ്പി​ല്‍ എ​ന്നി​വ​ര്‍ ദേ​ശ​പ്ര​ദ​ക്ഷി​ണ​ത്തി​നും തി​രു​ക​ര്‍മ​ങ്ങ​ൾക്കും നേ​തൃ​ത്വം ന​ല്‍കി.