മാ​ഞ്ഞൂ​ര്‍: കോ​ത​ന​ല്ലൂ​ര്‍, മാ​ഞ്ഞൂ​ര്‍ ഗ്രാ​മ​ങ്ങ​ളെ വി​റ​പ്പി​ച്ചു സാ​മൂ​ഹ്യ​വി​രു​ദ്ധ​രും മോ​ഷ​ണ​സം​ഘ​ങ്ങ​ളും വി​ല​സു​ന്നു. ഇ​ന്ന​ലെ രാ​വി​ലെ ചാ​മ​ക്കാ​ല പ​ള്ളി​യി​ലേ​ക്ക് പോ​വു​ക​യാ​യി​രു​ന്ന എ​ടാ​ട്ട് ജോ​യി​യു​ടെ ഭാ​ര്യ മോ​ളി​യു​ടെ മാ​ല പൊ​ട്ടി​ക്കാ​ന്‍ സ്‌​കൂ​ട്ട​റി​ലെ​ത്തി​യ സം​ഘം ശ്ര​മി​ച്ചു.

മോ​ളി റോ​ഡ​രി​കി​ലേ​ക്ക് പെട്ടെന്ന് മാ​റി​യ​തി​നാ​ല്‍ മാ​ല ക​വ​രാ​നു​ള്ള മോ​ഷ്ടാ​ക്ക​ളു​ടെ ശ്ര​മം വി​ഫ​ല​മാ​വു​ക​യാ​യി​രു​ന്നു. മാ​ഞ്ഞൂ​ര്‍ ട്രാ​ന്‍സ്ഫോ​ര്‍മ​ര്‍ ജം​ഗ്ഷ​ന് സ​മീ​പ​മു​ള്ള പാ​ട​ക​ശ്ശേ​രീ​ല്‍ രാ​ജു​വി​ന്‍റെ ക​ട​യി​ല്‍നി​ന്ന് മോ​ഷ്ടാ​ക്ക​ള്‍ ഒ​രു പാ​യ്ക്ക​റ്റ് മി​ഠാ​യി​യെ​ടു​ത്ത് പ​ണം ന​ല്‍കാ​തെ ക​ട​ന്നു​ക​ള​ഞ്ഞു. രാ​വി​ലെ പ്ര​ഭാ​ത സ​വാ​രി​ക്കി​റ​ങ്ങി​യ മാ​ഞ്ഞൂ​ര്‍ സൗ​പ​ര്‍ണിക​യി​ല്‍ എ.​എ​ന്‍. പീ​താം​ബ​ര​ന്‍ (71) നെ ​സ്‌​കൂ​ട്ട​റി​ലെ​ത്തി​യ സാ​മൂ​ഹ്യ​വി​രു​ദ്ധ​ര്‍ ത​ല​യ്ക്ക​ടി​ച്ചു ആ​ക്ര​മി​ച്ചി​രു​ന്നു.

പാ​ട​ശേ​ഖ​ര​ത്തി​നോ​ട് ചേ​ര്‍ന്നു​ള്ള പു​ര​യി​ട​ങ്ങ​ളി​ലെ തെ​ങ്ങു​ക​ളി​ല്‍നി​ന്ന് ക​രി​ക്കും തേ​ങ്ങ​യും മോ​ഷ്ടി​ക്കു​ന്ന സം​ഘം വാ​ഴ​ക്കു​ല​ക​ളും വെ​ട്ടി ക​ട​ത്തു​ക​യാ​ണ്. ഇ​തി​നെ ചോ​ദ്യം ചെ​യ്യു​ന്ന​വ​രെ സം​ഘം പി​ന്നീ​ട് കാ​യി​ക​മാ​യി ആ​ക്ര​മി​ക്കു​ന്ന സം​ഭ​വ​വും പ്ര​ദേ​ശ​ത്ത് പ​തി​വാ​കു​ക​യാ​ണ്. പ്ര​ദേ​ശ​ത്ത് പോ​ലീ​സ് പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.