കോൺഗ്രസിൽ ചേരും
1508626
Sunday, January 26, 2025 7:01 AM IST
മാടപ്പള്ളി: മുന്‍ഗ്രാമപഞ്ചായത്ത് പ്രസിഡന്‍റും കേരള കോണ്‍ഗ്രസ്(എം)സംസ്ഥാന സെക്രട്ടറിയേറ്റംഗവുമായ കെ.സുരേന്ദ്രനാഥപ്പണിക്കര്‍, യൂത്ത് ഫ്രണ്ട്(എം) മണ്ഡലം പ്രസിഡന്‍റ് അഭിലാഷ് ദേവസ്യ എന്നിവരുടെ നേതൃത്വത്തിൽ വിവിധ പാർട്ടികളിൽനിന്നു ഒരുസംഘം ആളുകള്‍ കോണ്‍ഗ്രസില്‍ ചേരാന്‍ തീരുമാനിച്ചു.
ഇവര്‍ക്ക് കോണ്‍ഗ്രസിന്‍റെ അംഗത്വം നല്‍കലും രാഷ്‌ട്രീയ വിശദീകരണയോഗവും 28ന് വൈകുന്നേരം നാലിന് തെങ്ങണ ജംഗ്ഷനിലുള്ള കുറ്റിക്കണ്ടം ബില്‍ഡിംഗില്‍ നടത്തുമെന്ന് കോണ്‍ഗ്രസ് നേതാക്കള്‍ അിയിച്ചു.
കൊടിക്കുന്നില്‍ സുരേഷ് എംപി ഉദ്ഘാടനം ചെയ്യും. മുന്‍മന്ത്രി കെ.സി.ജോസഫ്, ഡിസിസി പ്രസിഡന്‍റ് നാട്ടകം സുരേഷ് എന്നിവര്‍ പ്രസംഗിക്കും. മണ്ഡലം പ്രസിഡന്‍റ് ബാബു കുരീത്ര അധ്യക്ഷത വഹിക്കും.
അതേസമയം, പാര്‍ട്ടിവിരുദ്ധ പ്രവര്‍ത്തനങ്ങളുടെ പേരില്‍ കെ. സുരേന്ദ്രനാഥപ്പണിക്കരെ കേരളകോണ്‍ഗ്രസ്(എം)ല്‍നിന്നു പുറത്താക്കിയതായി നിയോജകമണ്ഡലം പ്രസിഡന്‍റ് ലാലിച്ചന്‍ കുന്നിപ്പറമ്പില്‍ അറിയിച്ചു.