കു​റ​വി​ല​ങ്ങാ​ട്: കാ​ടു​വി​ട്ട് കു​ര​ങ്ങ​നും കു​റു​ക്ക​നും നാ​ട്ടി​ലി​റ​ങ്ങി. ക​ഴി​ഞ്ഞ ദി​വ​സ​ങ്ങ​ളി​ല്‍ ഇ​ല​യ്ക്കാ​ട് മേ​ഖ​ല​യി​ല്‍ ക​ണ്ട കു​ര​ങ്ങ​ന്മാ​ര്‍ കു​റ​വി​ല​ങ്ങാ​ട് പ്ര​ദേ​ശ​ത്ത് ത​മ്പ​ടി​ച്ചു​തു​ട​ങ്ങി. വീ​ടു​ക​ളി​ലെ​ത്തു​ന്ന കു​ര​ങ്ങ​ന്മാ​ര്‍ വ​ലി​യ ശ​ല്യ​വും സൃ​ഷ്ടി​ക്കു​ന്നു​ണ്ട്. വാ​ന​ര​സം​ഘം നാ​ശ​ന​ഷ്ട​ങ്ങ​ള്‍ ന​ട​ത്തു​ന്ന​തോ​ടെ ജ​നം വ​ലി​യ ബു​ദ്ധി​മു​ട്ടി​ലാ​ണ്. കു​ര​ങ്ങ​ന്മാ​രെ തു​ര​ത്താ​ന്‍ വി​ദ്യ​ക​ള്‍ പ​ല​തും ന​ട​ത്തി​യെ​ങ്കി​ലും വി​ജ​യി​ക്കാ​ത്ത​തി​ല്‍ ആ​ശ​ങ്ക​യും ഉ​ട​ലെ​ടു​ത്തി​ട്ടു​ണ്ട്.

കാ​ര്‍​ഷി​ക​മേ​ഖ​ല​യി​ല്‍ നാ​ശം വ​രു​ത്തു​ന്ന​താ​ണ് പ്ര​ധാ​ന​പ്ര​ശ്‌​നം. വാ​ഴ​ക്കു​ല​ക​ള്‍ ഒ​ടി​ച്ച് ന​ശി​പ്പി​ക്കു​ന്ന വാ​ന​ര​ന്മാ​ര്‍ വീ​ട്ടു​പ​ക​ര​ണ​ങ്ങ​ളും ത​ക​ര്‍​ക്കു​ക​യാ​ണ്. വീ​ടി​ന് വെ​ളി​യി​ലെ പ്ലാ​സ്റ്റി​ക്ക് ടാ​പ്പു​ക​ള്‍ കൂ​ട്ട​ത്തോ​ടെ ഒ​ടി​ച്ചാ​ണ് ഒ​രു​വീ​ട്ടി​ല്‍ വാ​ന​ര​പ്പ​ട ക​ലി​പ്പ് തീ​ര്‍​ത്ത​ത്. കു​ട്ടി​ക​ള​ട​ക്ക​മു​ള്ള​വ​രെ ഉ​പ​ദ്ര​വി​ക്കു​മോ എ​ന്ന പേ​ടി​യും ഗ്രാ​മ​ങ്ങ​ളി​ല്‍ ഉ​യ​ര്‍​ന്നി​ട്ടു​ണ്ട്.

നാ​ട്ടി​ന്‍​പു​റ​ങ്ങ​ളി​ല്‍ പ​ല​യി​ട​ത്തും രാ​ത്രി​യാ​യാ​ല്‍ പി​ന്നെ കു​റു​ക്ക​ന്മാ​രു​ടെ വി​ള​യാ​ട്ട​മാ​ണ്. കു​റു​ക്ക​ന്മാ​ര്‍ കൂ​ട്ട​ത്തോ​ടെ ഓ​രി​യി​ട്ട് വി​ല​സാ​ന്‍ തു​ട​ങ്ങി​യാ​ല്‍ നാ​ട്ടി​ലാ​കെ​യു​ള്ള നാ​യ്ക്ക​ളും ബ​ഹ​ളം തു​ട​ങ്ങും. ഇ​തോ​ടെ രാ​ത്രി​യി​ല്‍ ഏ​റെ​നേ​രം ഉ​റ​ക്കം ന​ഷ്ട​പ്പെ​ടു​ന്ന സ്ഥി​തി​യാ​ണ്. കു​റു​ക്ക​ന്മാ​ര്‍ സം​ഘ​മാ​യി എ​ത്തു​ന്ന​തി​നാ​ല്‍ നാ​യ്ക്ക​ളും ഭ​യ​ന്നു​മാ​റു​ക​യാ​ണ്. ഏ​റെ നേ​രം വ​ലി​യ​ബ​ഹ​ളം സൃ​ഷ്ടി​ക്ക​പ്പെ​ടു​ന്ന​ത് കു​ട്ടി​ക​ള്‍​ക്ക​ട​ക്കം വ​ലി​യ​ഭീ​തി സൃ​ഷ്ടി​ക്കു​ന്നു​ണ്ട്.