പാലാ അല്‍ഫോന്‍സ കോളജിന് കേന്ദ്ര ഗവണ്‍മെന്‍റിന്‍റെ ധനസഹായം
1480273
Tuesday, November 19, 2024 6:40 AM IST
പാലാ: അല്‍ഫോന്‍സ കോളജിന് കേന്ദ്ര ഗവണ്‍മെന്‍റിന്‍റെ ഡിപ്പാര്‍ട്ട്‌മെന്‍റ് ഓഫ് സയന്‍സ് ആന്‍ഡ് ടെക്‌നോളജിയുടെ ക്യൂറി ധനസഹായം ലഭിച്ചു. 64 ലക്ഷം രൂപയാണ് കോളജിന്‍റെ സയന്‍സ് വിഭാഗങ്ങളുടെ നവീകരണത്തിനായി ലഭിച്ചിരിക്കുന്നത്. കഴിഞ്ഞ വര്‍ഷം കേന്ദ്രഗവണ്‍മെന്‍റിന്‍റെ ഡിപ്പാര്‍ട്ട്‌മെന്‍റ് ഓഫ് ബയോ ടെക്‌നോളജിയുടെ 1.30 കോടി രൂപയുടെ ധനസഹായം കോളജിന് ലഭിച്ചിരുന്നു. കഴിഞ്ഞ വര്‍ഷം തന്നെ ഡിപ്പാര്‍ട്ട്‌മെന്‍റ് ഓഫ് സയന്‍സ് ആന്‍ഡ് ടെക്‌നോളജിയുടെ 70 ലക്ഷം രൂപയുടെ കേന്ദ്രധനസഹായവും ലഭിച്ചിരുന്നു.
കോളജ് രക്ഷാധികാരി മാര്‍ ജോസഫ് കല്ലറങ്ങാട്ട്, മാനേജര്‍ മോണ്‍. ജോസഫ് തടത്തില്‍, പ്രിന്‍സിപ്പല്‍ റവ.ഡോ. ഷാജി ജോണ്‍, ബര്‍സാര്‍ ഫാ. കുര്യാക്കോസ് വെള്ളച്ചാലില്‍, വൈസ് പ്രിന്‍സിപ്പല്‍മാരായ ഡോ. മിനി മാത്യു, ഡോ. മഞ്ജു എലിസബത്ത്, കോ-ഓർ‌ഡിനേറ്റർമാരായ ഡോ. സിനി സൂസന്‍, ഡോ. ഡയാന എലിസബത്ത് എന്നിവര്‍ അഭിനന്ദിച്ചു.