‘അപ്നാദേശ്’ പ്ലാറ്റിനം ജൂബിലി ആഘോഷങ്ങൾക്ക് തുടക്കം
1480389
Tuesday, November 19, 2024 8:08 AM IST
കോട്ടയം: കോട്ടയം അതിരൂപത മുഖപത്രമായ അപ്നാദേശിന്‍റെ ഒരു വര്‍ഷം നീണ്ടുനില്‍ക്കുന്ന പ്ലാറ്റിനം ജൂബിലി ആഘോഷങ്ങള്‍ മന്ത്രി വി.എന്‍. വാസവന്‍ ഉദ്ഘാടനം ചെയ്തു. കോട്ടയം ആര്‍ച്ച്ബിഷപ് മാര്‍ മാത്യു മൂലക്കാട്ട് അധ്യക്ഷതവഹിച്ചു. സഹായ മെത്രാന്‍ ഗീവര്‍ഗീസ് മാര്‍ അപ്രേം ലോഗോ പ്രകാശനം നിര്‍വഹിച്ചു. ദീപനാളം ചീഫ് എഡിറ്റര്‍ ഫാ. കുര്യന്‍ തടത്തില്‍ മുഖ്യപ്രഭാഷണം നടത്തി.
തിരുവഞ്ചുര്‍ രാധാകൃഷ്ണന്‍ എംഎല്‍എ, തോമസ് ചാഴികാടന്‍, കെസിസി അതിരൂപത പ്രസിഡന്‍റ് ബാബു പറമ്പടത്തുമലയില്‍, കെസിവൈഎല്‍ അതിരൂപത പ്രസിഡന്‍റ് ജോണീസ് പി. സ്റ്റീഫന്‍, അപ്നാദേശ് ചീഫ് എഡിറ്റര്‍ ഫാ. മാത്യു കുരിയത്തറ, ന്യൂസ് എഡിറ്റര്‍ പി.സി. കുര്യാക്കോസ്, മീഡിയ കമ്മീഷന്‍ ചെയര്‍മാന്‍ ഫാ. ജിസ്മോന്‍ മഠത്തില്‍ എന്നിവര്‍ പ്രസംഗിച്ചു.