ജൂബിലി വോളിബോള്‍ ടൂര്‍ണമെന്‍റ് മുപ്പതാം വര്‍ഷത്തിലേക്ക്
1480574
Wednesday, November 20, 2024 6:48 AM IST
പാലാ: ജൂബിലിത്തിരുനാളിനോടനുബന്ധിച്ച് പാലാ സ്‌പോര്‍ട്‌സ് ക്ലബ് സംഘടിപ്പിക്കുന്ന അഖില കേരള വോളിബോള്‍ ടൂര്‍ണമെന്‍റ് ഡിസംബര്‍ ഒന്നു മുതല്‍ ആറു വരെ പാലാ മുനിസിപ്പല്‍ ഫ്‌ളഡ് ലിറ്റ് സ്റ്റേഡിയത്തില്‍ ആരംഭിക്കും.
കേരള യൂണിവേഴ്‌സിറ്റി, ഗാന്ധി യൂണിവേഴ്‌സിറ്റി, കാലിക്കറ്റ് യൂണിവേഴ്‌സിറ്റി, പാലാ സിക്‌സസ് ഇന്‍റര്‍നാഷണല്‍, ഡയമണ്ട് പാലാ, ചാരമംഗലം സിക്‌സസ്, അരുവിത്തുറ സെന്‍റ് ജോര്‍ജ് കോളജ്, പാലാ സെന്‍റ് തോമസ് കോളജ്, വാഴക്കുളം സിക്‌സസ്, ഡെയ്ഞ്ചര്‍ ബോയ്‌സ് തമിഴ്‌നാട് തുടങ്ങിയ പ്രമുഖ ടീമുകള്‍ മത്സരത്തില്‍ മാറ്റുരയ്ക്കും.
വിജയികള്‍ക്ക് ഒന്നാം സമ്മാനമായി ബട്ടണ്‍ ഹൗസ് പാലാ നല്‍കുന്ന 25000 രൂപയും തയ്യില്‍ എവറോളിംഗ് ട്രോഫിയും മാത്യു അരീക്കല്‍ മെമ്മോറിയല്‍ ട്രോഫിയും വി.സി. ജോണ്‍ മെമ്മോറിയൽ ട്രോഫിയും മറ്റ് ട്രോഫികളും നല്‍കും. കൂപ്പണ്‍ നറുക്കെടുപ്പിലൂടെ വിജയികളാകുന്നവര്‍ക്ക് മൂഴയില്‍ ജൂവലറി പാലാ നല്‍കുന്ന സ്വര്‍ണനാണയവും നല്‍കും. മുപ്പതാം വര്‍ഷത്തിലേക്ക് കടക്കുന്ന ടൂര്‍ണമെന്‍റില്‍ ഡിജിറ്റല്‍ സ്‌കോര്‍ബോര്‍ഡും പരസ്യങ്ങളും ഉപയോഗിക്കും.
പ്രവേശനം സൗജന്യമാണെന്നും സംഘാടകസമിതി കണ്‍വീനര്‍ വി.സി. പ്രിന്‍സ് അറിയിച്ചു. സന്തോഷ് മണര്‍കാട്, ജോര്‍ജ് വര്‍ഗീസ്, ബിജു തോമസ്, ജോയ് പാലത്ത്, കുഞ്ഞുമോന്‍ മണര്‍കാട്ട്, ബിനോജ്.പി.ജോണി, ടോമി തോമസ്, കുഞ്ഞുമോന്‍ പാലയ്ക്കല്‍ തുടങ്ങിയ സംഘാടക സമിതി അംഗങ്ങളും യോഗത്തില്‍ പങ്കെടുത്തു.