നൈപുണ്യ പരിശീലന സ്ഥാപനങ്ങളുടെ ഉച്ചകോടി നടന്നു
1480400
Tuesday, November 19, 2024 8:08 AM IST
കോട്ടയം: ജില്ലാ ഭരണകൂടവും ജില്ലാ നൈപുണ്യ സമിതിയും സംസ്ഥാന നൈപുണ്യ വികസന മിഷനും സംയുക്തമായി സംഘടിപ്പിച്ച നൈപുണ്യ പരിശീലന സ്ഥാപനങ്ങളുടെ ഉച്ചകോടി തെള്ളകം എക്സ്‌കാലിബര്‍ ഹോട്ടലില്‍ മന്ത്രി വി.എന്‍. വാസവന്‍ ഉദ്ഘാടനം ചെയ്തു.
ജില്ലാ കളക്ടര്‍ ജോണ്‍ വി. സാമുവല്‍ അധ്യക്ഷത വഹിച്ചു. കെഎഎസ്ഇ ചീഫ് ഓപ്പറേറ്റിംഗ് ഓഫീസര്‍ ടി.വി. വിനോദ്, ജില്ലാ പ്ലാനിംഗ് ഓഫീസര്‍ എം.പി. അനില്‍കുമാര്‍, ദേശീയ റബര്‍ പരിശീലന ഇന്‍സ്റ്റിറ്റ്യൂട്ട് ഡയറക്ടര്‍ പി. അറുമുഖം, കെഎഎസ്ഇ ഫിനാന്‍സ് ഓഫീസര്‍ എം.എസ്. ലത, കെഎഎസ്ഇ മാനേജര്‍ സുബിന്‍ ദാസ്, സീനിയര്‍ കണ്‍സള്‍ട്ടന്‍റ് ഡോ. എച്ച്.എം. വിനുത, മാനേജര്‍ ആര്‍. അനൂപ്, അസി. മാനേജര്‍ ആര്‍.കെ. ലക്ഷ്മിപ്രിയ എന്നിവര്‍ പ്രസംഗിച്ചു. ജില്ലയില്‍ നൈപുണ്യ പരിശീലനം നല്‍കുന്ന പൊതു- സ്വകാര്യ നൈപുണ്യ പരിശീലന സ്ഥാപനങ്ങളെ പങ്കെടുപ്പിച്ചാണ് ഉച്ചകോടി നടത്തിയത്.