എന്നാല് വ്യാപാര സമുച്ചയങ്ങളുടെ പരിസരങ്ങള് വൃത്തിയായും ശുചിയായും സംരക്ഷിക്കാനുള്ള ബാധ്യത ബന്ധപ്പെട്ട കച്ചവടക്കാര്ക്കു നല്കിയാണ് കേരള മുനിസിപ്പല്, പഞ്ചായത്തിരാജ് ആക്ടില് ഭേദഗതി വരുത്തിയിരിക്കുന്നതെന്ന് സര്ക്കാര് ചൂണ്ടിക്കാട്ടി.
പ്ലാസ്റ്റിക് വേസ്റ്റ് മാനേജ്മെന്റ്, സോളിഡ് വേസ്റ്റ് മാനേജ്മെന്റ് നിയമങ്ങളില് മൂന്നിനം ബിന്നുകള് സ്ഥാപിക്കണമെന്ന വ്യവസ്ഥയാണുള്ളത്. ഇത്തരം വസ്തുക്കളുടെ വ്യാപാരം നടത്തുന്നവരാണ് ഹര്ജിക്കാര്.
അതിനാല് മാലിന്യശേഖരണത്തിന് ബിന്നുകള് സ്ഥാപിക്കണമെന്ന നിര്ദേശം ഇവര്ക്കു ബാധകമാണ്. അതേസമയം, വ്യാപാര സ്ഥാപനങ്ങളില് വരുന്നവര്ക്ക് മാലിന്യനിക്ഷേപത്തിന് അനുമതി നല്കാനാണു നിര്ദേശമെന്നും പൊതുജനങ്ങളുടെ കാര്യം പരാമര്ശിക്കുന്നില്ലെന്നും സര്ക്കാര് വ്യക്തമാക്കി.
ബിന്നുകളില് പൊതുജനങ്ങള് മാലിന്യനിക്ഷേപം നടത്തണമെന്നു നിയമപരമായി നിര്ദേശിക്കാനാകില്ലെന്നും ഇതിന്റെ ബാധ്യത വ്യക്തിപരമായി കച്ചവടക്കാര്ക്കുമേല് ചുമത്താനാകില്ലെന്നും കോടതി നിരീക്ഷിച്ചു.