വനപാതയിലൂടെയുള്ള യാത്രക്കാർക്കുള്ള നിർദേശങ്ങളടങ്ങിയ നോട്ടീസ് ബോർഡും അപകടസാധ്യതാമുന്നറിയിപ്പ് സൂചിപ്പിക്കുന്ന ബോർഡും വനംവകുപ്പും പ്ലാന്‍റേഷൻ കോർപറേഷനും ചേർന്നു സ്ഥാപിക്കും. വന്യജീവികൾ കൂടുതലായി കാണുന്ന കുളിരാന്തോട് ഭാഗത്തു പ്രത്യേക ലൈറ്റ് വാഴച്ചാൽ ഡിവിഷനിൽനിന്നും അനുവദിക്കും.
വന്യജീവികളെ പ്രകോപിപ്പിക്കുന്ന രീതിയിൽ പെരുമാറുന്നതും അവയുടെ ഫോട്ടോ എടുക്കുന്നതും, അനാവശ്യമായി വനഭൂമിയിൽ റോഡരികിൽ വാഹനം പാർക്ക് ചെയ്‌തു സംഘർഷസാധ്യത കൂട്ടുന്നതും മറ്റു നിയമവിരുദ്ധപ്രവർത്തനങ്ങൾ ചെയ്യുന്നതും ശ്രദ്ധയിൽപെട്ടാൽ വനംവകുപ്പും പ്ലാന്‍റേഷൻ കോർപറേഷനും അവർക്കെതിരേ കർശനമായ നിയമനടപടികളെടുക്കാൻ തീരുമാനിച്ചു.
മലയാറ്റൂർ ഡിവിഷണൽ ഫോറസ്റ്റ് ഓഫീസർ ശ്രീനിവാസിന്‍റെ അധ്യക്ഷതയിൽ ചേർന്ന യോഗത്തിൽ വാഴച്ചാൽ ഡിഎഫ്ഒ ആർ. ലക്ഷ്മി, മലയാറ്റൂർ ഡിവിഷൻ എഡിസിഎഫ് ആർ. സന്തോഷ്കുമാർ, പി.സി.കെ കല്ലാല എസ്റ്റേറ്റ് മാനേജർ സി.ആർ. രഘു, അതിരപ്പിള്ളി എസ്റ്റേറ്റ് അസിസ്റ്റന്‍റ് മാനേജർ ജി. അരുൺകുമാർ തുടങ്ങിയവർ പങ്കെടുത്തു.