അതനുസരിച്ച് താനും അമ്മയും ചെന്നൈയിലേക്കു പോയി. തൊട്ടടുത്ത ദിവസം ഓഡിഷനെന്നു പറഞ്ഞ് ഒരു ഹോട്ടലിലേക്ക് കൂട്ടിക്കൊണ്ടുപോയി. അവിടെ ഒരു മുറിയില്‍ അഞ്ചോളം ആളുകള്‍ ഉണ്ടായിരുന്നു. അതില്‍ ഒരാള്‍ തനിക്ക് ഷെയ്ക്ക് ഹാന്‍ഡ് നല്‍കിയെന്നും മുടിയില്‍ തഴുകിയെന്നും യുവതി പറയുന്നു. ഇതിനിടെ ബന്ധുവായ സ്ത്രീ അയാളോട് ഓക്കെയാണോ എന്നു ചോദിച്ചു. അയാള്‍ ഓക്കെയാണെന്നും പറഞ്ഞു. ഇതോടെ എന്തോ പ്രശ്‌നമുണ്ടെന്ന് തനിക്കു മനസിലായി.
വീട്ടില്‍ പോകണമെന്നു പറഞ്ഞ് വാശി പിടിച്ചപ്പോള്‍ അവര്‍ ദേഷ്യപ്പെട്ടുകൊണ്ട് തന്നോട് അവിടെ നില്‍ക്കാന്‍ ആവശ്യപ്പെട്ടു. അഡ്ജസ്റ്റ് ചെയ്താല്‍ ഭാവി സുരക്ഷിതമാകുമെന്ന് അവര്‍ പറഞ്ഞു. അതു ശരിയല്ലെന്നു തോന്നിയതോടെ താന്‍ ബഹളംവച്ച് ഇറങ്ങിപ്പോരുകയായിരുന്നുവെന്നും യുവതി വ്യക്തമാക്കി.
അതേസമയം, യുവതിയുടെ പരാതി മൂവാറ്റുപുഴ പോലീസ് പ്രത്യേക അന്വേഷണ സംഘത്തിനു കൈമാറി. പ്രത്യേക അന്വേഷണസംഘം കേസ് രജിസ്റ്റര്‍ ചെയ്ത് ഉടന്‍ യുവതിയുടെ മൊഴിയെടുക്കുമെന്നാണ് ലഭ്യമാകുന്ന വിവരം.