സംസ്ഥാനത്താകെ 941 ഗ്രാമപഞ്ചായത്തുകളിലായി 15,962 വാർഡുകളാണുള്ളത്. തദ്ദേശ തെരഞ്ഞെടുപ്പിനു മുൻപ് വാർഡ് പുനർവിഭജനം പൂർത്തിയാക്കുന്നതോടെ 941 എണ്ണത്തിന്റെ വർധന വരും.
87 മുൻസിപ്പാലിറ്റികളിലായി 3078 വാർഡുകളും ആറ് കോർപറേഷനുകളിലായി 414 വാർഡുകളുമാണുള്ളത്. ഇവയുടെ പുനർവിഭജനത്തിലൂടെയും വാർഡുകളുടെ എണ്ണത്തിൽ വർധന വരും.
സംസ്ഥാനത്തെ 152 ബ്ലോക്ക് പഞ്ചായത്തുകളിലായി 2080 വാർഡുകളും 14 ജില്ലാ പഞ്ചായത്തുകളിലായി 331 ഡിവിഷനുകളുമാണ് നിലവിലുള്ളത്.
സംസ്ഥാനത്തെ 1200 തദ്ദേശ സ്ഥാപനങ്ങളിലായി 21,865 ജനപ്രതിനിധികളാണുള്ളത്. വാർഡ് പുനർവിഭജനം പൂർത്തിയായ ശേഷം 2025 ഒക്ടോബറിൽ നടക്കുന്ന തെരഞ്ഞെടുപ്പിൽ 1,200 തദ്ദേശ സ്ഥാപന ജനപ്രതിനിധികൾ അധികമായി വരും.