കഴുത്തിനും കണ്ണിനും പരിക്കേറ്റ കുട്ടിയെ കാഞ്ഞങ്ങാട് ജില്ലാ ആശുപത്രിയില് പ്രവേശിപ്പിച്ചു. ആദ്യം മോഷണം മാത്രമാണ് നടന്നതെന്നായിരുന്നു അനുമാനം. എന്നാല് ഉച്ചകഴിഞ്ഞ് മെഡിക്കല് പരിശോധനാഫലം വന്നപ്പോഴാണ് കുട്ടി ലൈംഗികപീഡനത്തിരയായെന്ന് വ്യക്തമായത്.
ജില്ലാ പോലീസ് മേധാവി പി. ബിജോയിയുടെയും ഹൊസ്ദുര്ഗ് ഇന്സ്പെക്ടര് എം.പി. ആസാദിന്റെയും നേതൃത്വത്തില് വിപുലമായ പോലീസ് സംഘം സംഭവസ്ഥലത്തെത്തി. പോലീസ് നായയുടെയും ഫോറന്സിക് വിഭാഗത്തിന്റെയും സഹായത്തോടെ പരിശോധന നടത്തി.
സമീപത്തെ വീട്ടിലെ സിസിടിവി കാമറയില്നിന്നു പ്രതിയെക്കുറിച്ചുള്ള സൂചന പോലീസിനു ലഭിച്ചിട്ടുണ്ടെന്നും മൂന്നുപേരെ കസ്റ്റഡിയിലെടുത്തിട്ടുണ്ടെന്നുമാണ് സൂചന. വെളുത്ത് ഉയരമുള്ള മലയാളം സംസാരിക്കുന്ന ആളാണ് തട്ടിക്കൊണ്ടുപോയതെന്നാണ് കുട്ടി മൊഴി നല്കിയിരിക്കുന്നത്. പ്രതിക്കെതിരോ പോക്സോ വകുപ്പുകള് പ്രകാരം കേസെടുത്തിട്ടുണ്ട്.