ബ്രീത്ത് അനലൈസർ പരിശോധന ആരംഭിച്ച് നാലാഴ്ചകൊണ്ട് കെഎസ്ആർടിസിയുമായി ബന്ധപ്പെട്ട അപകടങ്ങളുടെ നിരക്ക് 16 ശതമാനം കുറഞ്ഞെന്നും ഈ കാലഘട്ടത്തിൽ കെഎസ്ആർടിസി ബസ് തട്ടിയുണ്ടായ അപകടമരണങ്ങളിൽ ഡ്രൈവർമാരുടെ ഭാഗത്ത് തെറ്റില്ലെന്നും കെഎസ്ആർടിസി വിലയിരുത്തുന്നു.
യൂണിറ്റ് തലത്തിലുള്ള റോഡ് സുരക്ഷാമോണിറ്ററിംഗ് കമ്മിറ്റി ശനിയാഴ്ചകളിൽ യോഗം ചേർന്ന് അപകടവിവരങ്ങൾ വിലയിരുത്തി ചീഫ് ഓഫീസ് തല മോണിറ്ററിംഗ് കമ്മിറ്റിക്ക് റിപ്പോർട്ട് നല്കണം. മരണം സംഭവിച്ച അപകടങ്ങളോ വലിയ അപകടങ്ങളോ ഉണ്ടായാൽ യൂണിറ്റ് തല മേധാവികൾ സംസ്ഥാന മോണിറ്ററിംഗ് സമിതിമുമ്പാതെ നേരിട്ടെത്തി വിശദീകരണം നൽകണം.