കനത്ത മഴയില്‍ ആംബുലന്‍സ് നിയന്ത്രണംവിട്ട് വൈദ്യുതി പോസ്റ്റില്‍ ഇടിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. കല്ലുത്താന്‍കടവില്‍ ആസ്റ്റര്‍ മിംസ് ആശുപത്രിയില്‍ എത്തുംമുമ്പേയാണ് അപകടം.
ഇടിയുടെ ആഘാതത്തില്‍ വൈദ്യുതി പോസ്റ്റ് പൊട്ടി വീണു. വാതില്‍ തുറന്ന് മൂന്നുപേര്‍ നിലത്തുവീണു. എന്നാല്‍ സ്‌ട്രച്ചറില്‍ കിടക്കുകയായിരുന്ന സുലോചന ആംബുലന്‍സില്‍ കുടുങ്ങിപ്പോയി. ഇവരെ പുറത്തെത്തിക്കാന്‍ കഴിഞ്ഞില്ല.
വിവരമറിഞ്ഞ് ഫയര്‍ഫോഴ്‌സ് എത്തുമ്പേള്‍ സുലോചന കത്തിക്കരിഞ്ഞ നിലയിലായിരുന്നു. ആംബുലന്‍സ് പൂര്‍ണമായും കത്തിയമര്‍ന്നു. കത്തിയ ആംബുലന്‍സില്‍നിന്നു തീ പടര്‍ന്ന് തൊട്ടടുത്ത നാലുനില കെട്ടിടത്തിലും അഗ്നിബാധയുണ്ടായി.
ട്രാന്‍സ്‌ഫോര്‍മറും കത്തി. മീഞ്ചന്തയില്‍നിന്നു രണ്ടു യൂണിറ്റ് ഫയര്‍എന്‍ജിന്‍ എത്തിയാണ് തീ നിയന്ത്രണവിധേയമാക്കിയത്.
മക്കള്‍: പ്രണവ്(കൊച്ചി), ഡോ. പല്ലവി(ദുബായ്). മരുമക്കള്‍: ആര്യ, ശ്രീനാഥ്.