പോലീസ് ജീപ്പിനരികിൽ നേതാവ് നിൽക്കുന്ന ദൃശ്യവും റീലിലുണ്ട്. വരടിയത്തെ കോൾമേഖലയിലെ ഒരു പാടത്തിനരികിലായിരുന്നു ആഘോഷം. ഈ മേഖലയിലുണ്ടായ കൊലപാതകങ്ങൾക്കു പിന്നാലെ ഗുണ്ടാസംഘങ്ങൾ രമ്യതയിലെത്തിയിരുന്നു. ഇതിനു പിന്നാലെയാണു പ്രധാന നേതാവ് പുറത്തിറങ്ങിയപ്പോൾ ആഘോഷമൊരുക്കിയത്.
കെയ്സ് കണക്കിനു മദ്യക്കുപ്പികൾ ചുമലിൽവച്ചു കൊണ്ടുപോകുന്നതും വന്നിറങ്ങുന്ന നേതാവിനെ ആവേശത്തോടെ ആലിംഗനംചെയ്തു സ്വീകരിച്ച് ആനയിക്കുന്നതുമെല്ലാം സിനിമാ ടീസറിനെ വെല്ലുന്ന രീതിയിലാണു ചിത്രീകരിച്ചിട്ടുള്ളത്.
ജില്ലയിലെ ക്രിമിനൽ - ക്വട്ടേഷൻ സംഘാംഗങ്ങൾക്കിടയിൽ ദൃശ്യം വ്യാപകമായി പ്രചരിക്കുന്നുണ്ട്. ജില്ലയിൽ ക്വട്ടേഷൻ, ഗുണ്ടാ ആക്രമണങ്ങൾ ഇടക്കാലത്തു നിലച്ചെങ്കിലും അടുത്തിടെ വ്യാപകമായിട്ടുണ്ട്.