പുല്‍പ്പള്ളി: വകൃഷ്ടിപ്രദേശങ്ങളില്‍ ലഭിച്ച കനത്ത മഴയില്‍ കൈവഴികള്‍ ജലസമൃദ്ധമായതോടെ കബനി നദിയില്‍ ജലനിരപ്പ് ഉയര്‍ന്നു. ഇതേത്തുടര്‍ന്ന് നദിക്കു കുറുകെ ബീച്ചനഹള്ളിയിലുള്ള അണയുടെ നാല് ഷട്ടര്‍ തുറന്നു.
കബനി നിറഞ്ഞൊഴുകുന്ന സാഹചര്യത്തില്‍ കേരളത്തിന്റെ ഭാഗത്ത് തീരപ്രദേശങ്ങളില്‍ അധികൃതര്‍ ജാഗ്രത പുലര്‍ത്തുന്നുണ്ട്. ഇന്നലെ ജനപ്രതിനിധികളും വില്ലേജ് ഉദ്യോഗസ്ഥരും നദിയോരം സന്ദര്‍ശിച്ചു. നദിയുടെ പെരിക്കല്ലൂര്‍ കടവില്‍ തോണി സര്‍വീസ് കഴിഞ്ഞ ദിവസം മുതല്‍ താത്കാലികമായി നിര്‍ത്തിവച്ചിരിക്കയാണ്.