ഗ്രോ​ബാ​ഗ് ഇ​ഞ്ചി​ക്കൃ​ഷി​യു​മാ​യി ബി​നേ​ഷ് ഡൊ​മ​നി​ക്
Wednesday, July 17, 2024 8:02 AM IST
സു​ൽ​ത്താ​ൻ ബ​ത്തേ​രി: ഉ​യ​ർ​ന്ന ഉ​ത്പാ​ന​ച്ചെ​ല​വും തൊ​ഴി​ലാ​ളി ക്ഷാ​മ​വും മൂ​ലം ഇ​ഞ്ചി​ക്കൃ​ഷി നി​ർ​ത്തു​ന്ന ക​ർ​ഷ​ക​രു​ടെ എ​ണ്ണം വ​ർ​ധി​ക്കു​ന്ന​തി​നി​ടെ ഗ്രോ​ബാ​ഗ് ഇ​ഞ്ചി​ക്കൃ​ഷി​യി​ൽ വി​ജ​യം നേ​ടി യു​വ ക​ർ​ഷ​ക​ൻ.

അ​ന്പ​ല​വ​യ​ൽ സ്വ​ദേ​ശി ബി​നേ​ഷ് ഡൊ​മി​നി​ക്കാ​ണ് ഗ്രോ​ബാ​ഗു​ക​ളി​ൽ ഇ​ഞ്ചി​ക്കൃ​ഷി ആ​ദാ​യ​ക​ര​മാ​യി ന​ട​ത്തു​ന്ന​ത്. കു​റ​ച്ചു​സ്ഥ​ല​ത്ത് കൂ​ടു​ത​ൽ വി​ള​വ്. ഇ​താ​ണ് ഗ്രോ​ബാ​ഗ് കൃ​ഷി​യി​ലൂ​ടെ ബി​നേ​ഷ് ല​ക്ഷ്യ​മി​ട്ട​ത്. ഇ​ത് ഫ​ല​പ്രാ​പ്തി​യി​ലെ​ത്തി. ഗ്രോ​ബാ​ഗി​ൽ മ​ണ്ണ്, ച​കി​രി​ച്ചോ​റ്, ചാ​ണ​കം, ക​ന്പോ​സ്റ്റ് എ​ന്നി​വ നി​റ​ച്ചാ​ണ് ഇ​ഞ്ചി ന​ടു​ന്ന​ത്. ബാ​ഗി​ൽ ഒ​ഴി​ക്കു​ന്ന വെ​ള്ള​വും തൂ​ളു​ന്ന വ​ള​വും പൂ​ർ​ണ​മാ​യും ചെ​ടി​ക്ക് ല​ഭി​ക്കും.

ഒ​രു ബാ​ഗി​ൽ​നി​ന്നു മൂ​ന്നു കി​ലോ​ഗ്രാം വ​രെ ഇ​ഞ്ചി ല​ഭി​ക്കും. മു​ൻ വ​ർ​ഷം പ​രീ​ക്ഷ​ണാ​ടി​സ്ഥാ​ന​ത്തി​ൽ ബി​നേ​ഷ് ന​ട​ത്തി​യ കൃ​ഷി വി​ജ​യ​മാ​യി​രു​ന്നു. ഇ​ക്കു​റി 1,500 ഗ്രോ​ബാ​ഗി​ലാ​ണ് കൃ​ഷി. സാ​ധാ​ര​ണ രീ​തി​യി​ൽ ഇ​ഞ്ചി ന​ടാ​നു​ള്ള ഒ​രു​ക്ക​വും ചെ​ല​വും സ​മ​യ​വും ഗ്രോ​ബാ​ഗി​ലെ കൃ​ഷി​ക്ക് ആ​വ​ശ്യ​മി​ല്ല. സ്ഥ​ല പ​രി​മി​തി കൃ​ഷി​യെ ബാ​ധി​ക്കി​ല്ല. വീ​ടി​ന്‍റെ ടെ​റ​സി​ലും മു​റ്റ​ത്തും കൃ​ഷി​യി​റ​ക്കാം. വീ​റ്റ്മാ​റ്റ് വി​രി​ക്ക​ണ​മെ​ന്നു​മാ​ത്രം. ഗ്രോ​ബാ​ഗി​ൽ കൃ​ഷി​ചെ​യ്യു​ന്ന ഇ​ഞ്ചി​ക്ക് രോ​ഗം പി​ടി​പെ​ടാ​നു​ള്ള സാ​ധ്യ​ത കു​റ​വാ​ണ്.


ഒ​രു ചെ​ടി​യി​ൽ രോ​ഗ​ബാ​ധ ഉ​ണ്ടാ​യാ​ൽ ബാ​ഗ് സ​ഹി​തം എ​ടു​ത്തു​മാ​റ്റാം. ഇ​ത് മ​റ്റു​ചെ​ടി​ക​ളി​ലേ​ക്ക് രോ​ഗം പ​ക​രു​ന്ന​തു ത​ട​യാ​ൻ സ​ഹാ​യ​ക​മാ​കും. സാ​ധാ​ര​ണ കൃ​ഷി​യി​ൽ ഒ​രു ചു​വ​ടി​ന് പി​ടി​പെ​ടു​ന്ന രോ​ഗം അ​ടു​ത്തു​ള്ള ചു​വ​ടു​ക​ളി​ലേ​ക്ക് പ​ക​രും. ക​ള​ശ​ല്യം ഉ​ണ്ടാ​കി​ല്ല എ​ന്ന​തും ഗ്രോ​ബാ​ഗ് കൃ​ഷി​യു​ടെ പ്ര​ത്യേ​ക​ത​യാ​ണ്. ഇ​ഞ്ചി വി​ള​വെ​ടു​പ്പും എ​ളു​പ്പ​മാ​ണ്. ഗ്രോ​ബാ​ഗ് പൊ​ളി​ച്ചു​ക​ള​ഞ്ഞാ​ൽ മ​തി. 15 വ​ർ​ഷ​മാ​യി ക​ർ​ണാ​ട​ക​യി​ൽ ഇ​ഞ്ചി​ക്കൃ​ഷി ചെ​യ്തു​വ​രി​ക​യാ​ണ് ബി​നേ​ഷ്. മ​റു​നാ​ട്ടി​ലെ കൃ​ഷി​ക്ക് ചെ​ല​വ് വ​ർ​ധി​ക്കു​ക​യും പ​ണം മു​ട​ക്കി​ന് അ​നു​സൃ​ത​മാ​യി വ​രു​മാ​നം ല​ഭി​ക്കാ​താ​കു​ക​യും ചെ​യ്ത​തോ​ടെ​യാ​ണ് സ്വ​ന്തം നാ​ട്ടി​ൽ ഗ്രോ​ബാ​ഗു​ക​ളി​ൽ ഇ​ഞ്ചി​ക്കൃ​ഷി ന​ട​ത്താ​ൻ തീ​രു​മാ​നി​ച്ച​ത്.