കൽപ്പറ്റ: സർക്കാർ ജീവനക്കാരെ പറഞ്ഞുപറ്റിക്കുന്നത് ഇടതുസർക്കാർ അവസാനിപ്പിക്കണമെന്ന് കേരള എൻജിഒ അസോസിയേഷൻ സംസ്ഥാന വൈസ് പ്രസിഡന്‍റ് എ.പി. സുനിൽ.
അസോസിയേഷൻ സിവിൽ സ്റ്റേഷൻ ബ്രാഞ്ച് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. എട്ടുവർഷമായി ജീവനക്കാരെ സർക്കാർ വഞ്ചിക്കുകയാണ്. ഇത് തുറന്നുകാട്ടിയതിന്‍റെ ഫലം ലോക്സഭാ തെരഞ്ഞെടുപ്പിൽ പ്രതിഫലിച്ചെന്നും സുനിൽ പറഞ്ഞു.
ബ്രാഞ്ച് പ്രസിഡന്‍റ് ലൈജു ചാക്കോ അധ്യക്ഷത വഹിച്ചു. ജില്ലാ പ്രസിഡന്‍റ് മോബിഷ് പി. തോമസ് മുഖ്യപ്രഭാഷണം നടത്തി. പി.ജെ. ഷൈജു, ഹനീഫ ചിറക്കൽ, കെ.ടി. ഷാജി, എൻ.ജെ. ഷിബു, സജി ജോണ്, ടി. അജിത്ത്കുമാർ, ഇ.എസ്. ബെന്നി, പി.ജെ. ഷിജു, എം.വി. സതീഷ്, എം.ജി. അനിൽകുമാർ, ഗ്ലോറിൻ സെക്വീര, ഷെറിൻ ക്രിസ്റ്റഫർ, കെ.സി. ജിനി, സി.ആർ. അഭിജിത്ത് എന്നിവർ പ്രസംഗിച്ചു. ഭാരവാഹികളായി ബിജു ജോസഫ്(പ്രസിഡന്‍റ്), വി.എസ്. ശരത്(സെക്രട്ടറി).