കൽപ്പറ്റ: എൽസ്റ്റണ്‍ എസ്റ്റേറ്റിലെ തൊഴിലാളികളുടെ മക്കൾക്ക് ബംഗളൂരു പ്രവാസി കോണ്ഗ്രസ് കമ്മിറ്റി, ആയുഷ് ഇൻസ്റ്റിറ്റ്യൂട്ട്, എംഎൽഎ കെയർ എന്നിവയുടെ സംയുക്താഭിമുഖ്യത്തിൽ പഠനോപകരണങ്ങൾ വിതരണം ചെയ്തു.
മാസങ്ങളായി എസ്റ്റേറ്റ് പ്രവർത്തിക്കാത്തതിനാൽ തൊഴിലാളി കുടുംബങ്ങൾ പ്രയാസത്തിലാണ്. ഈ സാഹര്യത്തിലാണ് പഠനോപകരണ വിതരണം സംഘടിപ്പിച്ചത്. 100ൽപരം കുട്ടികൾക്കാണ് പഠനോപകരണങ്ങൾ നൽകിയത്. ടി. സിദ്ദിഖ് എംഎൽഎ ഉദ്ഘാടനം ചെയ്തു. അഡ്വ.സത്യൻ പുത്തൂർ അധ്യക്ഷത വഹിച്ചു. ആയുഷ് ഗ്രൂപ്പ് ഓഫ് കന്പനീസ് മാനേജിംഗ് ഡയറക്ടർ ഡോ. ആദർശ്, ഡോ. നകുൽ, നജീബ് കരണി, മുനിസിപ്പൽ കൗണ്‍സിലർമാരായ രാജാറാണി, പി.കെ. സുഭാഷ് എന്നിവർ പ്രസംഗിച്ചു.