ചെ​ങ്ങാ​ലൂ​ര്‍: പാ​പ്പി​നിപ്പാ​ട​ത്തെ നെ​ല്‍​ക​ര്‍​ഷ​ക​ര്‍​ക്ക് കൃ​ഷി​യി​റ​ക്കാ​ന്‍ ക​ഴി​യാ​ത്തവി​ധം പ​ന്ത​ലി​ച്ചു​നി​ന്ന മ​ദി​രാ​ശിമ​ര​ങ്ങ​ള്‍ മു​റി​ച്ചു​തു​ട​ങ്ങി.​ പാ​പ്പി​നി​പ്പാ​ടം നെ​ല്ലു​ത്പാ​ദ​ക സം​ഘ​വും ക​ര്‍​ഷ​ക​യാ​യ ആ​നി ഈ​നാ​ശു​വും ന​ല്‍​കി​യ പ​രാ​തി​യി​ലാ​ണു മ​ര​ങ്ങ​ള്‍ മു​റി​ച്ചു​നീ​ക്കു​ന്ന​ത്. നെ​ല്‍​വ​യ​ല്‍ ത​ണ്ണീ​ര്‍​ത്ത​ടനി​യ​മം വ​കു​പ്പ് 13 പ്ര​കാ​രം ജി​ല്ലാക​ള​ക്ട​റാ​ണ് മ​ര​ങ്ങ​ള്‍ മു​റി​ച്ചു​നീ​ക്കി പാ​ട​ശേ​ഖ​രം പൂ​ര്‍​വസ്ഥി​തി​യി​ലാ​ക്കാ​ന്‍ ഉ​ത്ത​ര​വി​റ​ക്കി​യ​ത്.​

സ്വ​കാ​ര്യ വ്യ​ക്തി​യു​ടെ പാ​ട​ത്തി​നുചു​റ്റു​മാ​ണ് നാ​ലുവ​ര്‍​ഷം മു​ന്പ്് മ​ദി​രാ​ശി മ​ര​ങ്ങ​ള്‍ ന​ട്ട​തെ​ന്ന് പ​രാ​തി​യി​ല്‍ പ​റ​യു​ന്നു. ഇ​തി​നെ​തി​രെ ക​ര്‍​ഷ​ക​ര്‍ അ​ന്നു​മു​ത​ല്‍ പ​രാ​തി​യു​മാ​യി രം​ഗ​ത്തുണ്ടാ​യി​രു​ന്നു. പെ​ട്ടെ​ന്നുവ​ള​ര്‍​ന്ന് പ​ന്ത​ലി​ച്ച മ​ര​ങ്ങ​ളു​ടെ ഇ​ല​ക​ള്‍ കൊ​ഴി​ഞ്ഞും വേ​രു​ക​ള്‍ ഇ​റ​ങ്ങി​യും സൂ​ര്യ​പ്ര​കാ​ശം ല​ഭി​ക്കാ​തെ​യും വ​ന്ന​തോ​ടെ ക​ര്‍​ഷ​ക​ര്‍​ക്കു ക​ന​ത്ത കൃ​ഷി​നാ​ശ​മാ​ണു സം​ഭ​വി​ച്ച​ത്. മൂ​ന്നു​പൂ കൃ​ഷി​യി​റ​ക്കാ​ന്‍ അ​നു​യോ​ജ്യ​മാ​യ പാ​ട​ത്ത് ഒ​രു ത​വ​ണ പോ​ലും കൃ​ഷി ചെ​യ്യാ​ന്‍ ക​ഴി​യാ​ത്ത അ​വ​സ്ഥ​യാ​യി. ഇ​തി​നി​ടെ പാ​ട​ത്ത് അ​ന​ധി​കൃ​ത​മാ​യി ചാ​ലു​ക​ള്‍ തീ​ര്‍​ത്ത​ തോ​ടെ കൃ​ഷി​യാ​വ​ശ്യത്തി​നു​ള്ള യ​ന്ത്ര​ങ്ങ​ള്‍ ഇ​റ​ക്കാ​നും ബു​ദ്ധി​മു​ട്ട് നേ​രി​ട്ടു.​ പാ​ട​ത്ത് മ​ര​ങ്ങ​ളു​ടെ വേ​രു​ക​ള്‍ പ​ട​ര്‍​ന്ന​തോ​ടെ കാ​ല്‍​ഭാ​ഗം പോ​ലും വി​ള​വും ല​ഭി​ക്കാതെയാ​യി.

പ്ര​ശ്‌​നം രൂ​ക്ഷ​മാ​യ​തോ​ടെ ലോ​ക്ക​ല്‍ ലെ​വ​ല്‍ മോ​ണി​റ്റ​റിം​ഗ് ക​മ്മി​റ്റി ക​ണ്‍​വീ​ന​റാ​യ കൃ​ഷി ഓഫീ​സ​ര്‍ സ്ഥ​ല​ത്ത് പ​രി​ശോ​ധ​ന ന​ട​ത്തി റി​പ്പോ​ര്‍​ട്ട് ക​ള​ക്ട​ര്‍​ക്ക് കൈ​മാ​റു​ക​യാ​യി​രു​ന്നു. ഈ ​റി​പ്പോ​ര്‍​ട്ടിന്‍റെ അ​ടി​സ്ഥാ​ന​ത്തി​ലാ​ണു രൂ​പ​മാ​റ്റം വ​രു​ത്തി​യ പാ​ട​ശേ​ ഖ​രം പൂ​ര്‍​വസ്ഥി​തി​യി​ലാ​ക്കാ​ന്‍ ക​ള​ക്ട​ര്‍ ഉ​ത്ത​ര​വി​റ​ക്കി​യ​ത്.

വ​കു​പ്പ് 13 പ്ര​കാ​രം ന​ട​പ​ടി​യെ​ടു​ക്കു​ന്ന​തി​ന് നാ​ലുവ​ര്‍​ഷം വൈ ​കി​യ​തു​മൂ​ലം നെ​ല്‍​ക​ര്‍​ഷ​ക​ര്‍​ക്കു​ണ്ടാ​യ ന​ഷ്ടം കാ​ര്‍​ഷി​ക അ​ഭി​വൃ​ദ്ധി ഫ​ണ്ടി​ല്‍നി​ന്ന് അ​നു​വ​ദി​ച്ച് ന​ല്‍​ക​ണ​മെ​ന്നാ​ണ് ക​ര്‍​ഷ​ക​രു​ടെ ആ​വ​ശ്യം.