മു​ണ്ടൂ​രി​ൽ ലോ​റി വൈ​ദ്യു​തി
തൂ​ണി​ലി​ടി​ച്ച് അ​പ​ക​ടം; അഞ്ചുപേ​ർ​ക്കു പ​രി​ക്ക്​

മു​ണ്ടൂ​ർ‌: മു​ണ്ടൂ​രി​ൽ സ്കൂ​ൾവാ​ഹ​നംത​ട്ടി നി​യ​ന്ത്ര​ണംവി​ട്ട ലോ​റി വൈ​ദ്യു​തി തൂ​ണി​ലി​ടി​ച്ച് അ​പ​ക​ടം; അഞ്ചുപേ​ർ​ക്കുപ​രി​ക്ക്.​ ഇ​ന്ന​ലെ രാ​വി​ലെ എട്ടരയോ​ടെ മു​ണ്ടൂ​ർ പ​ഞ്ഞം​മൂ​ല പ​രി​സ​ര​ത്താ​യി​രു​ന്നു അ​പ​ക​ടം.​ മെ​ഡി​ക്ക​ൽ കോ​ള​ജ് ഭാ​ഗ​ത്തുനി​ന്നും മു​ണ്ടൂ​ർ ഭാ​ഗ​ത്തേ​ക്കുവ​ന്നി​രു​ന്ന മി​നി ലോ​റി​യു​ടെ പിറ​കി​ൽ സ്കൂ​ൾവാ​ഹ​നംത​ട്ടി നി​യ​ന്ത്ര​ണംവി​ട്ട് റോ​ഡ​രി​കി​ലെ മ​തി​ലി​ലും വൈ​ദ്യു​തി തൂ​ണി​ലും ഇ​ടി​ച്ച് കി​ണ​റി​ന്‍റെ ആ​ൾ​മ​റ​യി​ൽ ഇ​ടി​ച്ചുനി​ന്നു.​ വാ​ഹ​ന​മോ​ടി​ച്ചി​രു​ന്ന സ്മി​ജോ(36)യും ഒ​ഡിഷ സ്വ​ദേ​ശി​ക​ളു​മാ​ണു വാ​ഹ​ന​ത്തി​ലു​ണ്ടാ​യി​രു​ന്ന​ത്.

പ​രി​ക്കേ​റ്റ​വ​രെ തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​ടി​യു​ടെ ആ​ഘാ​ത​ത്തി​ൽ മി​നിലോ​റി​യു​ടെ മു​ൻ​ഭാ​ഗം പൂ​ർ​ണമാ​യും തകർന്നു. ​സ്കൂ​ൾവാ​ഹ​ന​ത്തി​നും ചെ​റി​യ പോ​റ​ലു​ക​ൾ സം​ഭ​വി​ച്ചി​ട്ടു​ണ്ട്. പേ​രാ​മംഗ​ലം പോ​ലീ​സും കെ​എ​സ്ഇ​ബി അ​ധി​കൃ​ത​രും സ്ഥ​ല​ത്തെ​ത്തി തു​ട​ർ​ന​ട​പ​ടി​ക​ൾ സ്വീ​ക​രി​ച്ചു.

കൊ​ര​ട്ടി​ക്ക​ര​യി​ൽ
ബ​സും കാ​റും കൂ​ട്ടി​യി​ടി​ച്ച്
ആ​റുപേ​ർ​ക്കു പ​രി​ക്ക്

കു​ന്നം​കു​ളം: പെ​രു​മ്പി​ലാ​വ് കൊ​ര​ട്ടി​ക്ക​ര ജു​മാമ​സ്‌​ജി​ദിനു സ​മീ​പം ബ​സും കാ​റും കൂ​ട്ടി​യി​ടി​ച്ച് അ​പ​ക​ടം. അ​പ​ക​ട​ത്തി​ൽ കാ​റി​ൽ ഉ​ണ്ടാ​യി​രു​ന്ന നാ​ലുപേ​ർ​ക്കും ബ​സി​ൽ ഉ​ണ്ടാ​യി​രു​ന്ന ര​ണ്ടുപേ​ർ​ക്കും പ​രി​ക്കേ​റ്റു. ഇ​തി​ൽ കാ​റി​ൽ ഉ​ണ്ടാ​യി​രു​ന്ന മൂ​ന്നുപേ​രു​ടെ പ​രി​ക്ക് ഗു​രു​ത​ര​മാ​ണ്.
ഇ​ന്ന​ലെ രാ​ത്രി 7.30നാ​ണ് അ​പ​ക​ടം ഉ​ണ്ടാ​യ​ത്. തൃ​ശൂരി​ൽ നി​ന്നും കു​റ്റി​പ്പു​റ​ത്തേ​ക്ക് പോ​യി​രു​ന്ന ദു​ർ​ഗ ബ​സ് ആ​ണ് അ​പ​ക​ട​ത്തി​ൽ​പ്പെ​ട്ട​ത്. പ​രി​ക്കേ​റ്റ​വ​രെ ആ​ദ്യം പെ​രു​മ്പി​ലാ​വി​ലെ സ്വ​കാ​ര്യ ആ​ശു​പ​ത്രി​യി​ലും പി​ന്നീ​ട് തൃ​ശൂരി​ലെ സ്വ​കാ​ര്യ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.

കാ​ർയാ​ത്ര​ക്കാ​രാ​യ ക​ണ്ടാ​ണ​ശേരി സ്വ​ദേ​ശി​ക​ളാ​യ വി​ഷ്‌​ണു, മ​ഞ്ജു, അ​ശ്വി​ത, ബി​ന്ദു എ​ന്നി​വ​ർ​ക്കാ​ണു കാ​ര്യ​മാ​യ പ​രി​ക്ക്. ഇ​തി​ൽ നാ​ല​രവ​യ​സു​കാ​രി ഉ​ൾ​പ്പ​ടെ മൂന്നുപേ​രു​ടെ നി​ല ഗു​രു​ത​രമാണ്.

അ​പ​ക​ട​ത്തി​ൽ കാ​റി​ന്‍റെ മു​ൻ​വ​ശം പൂ​ർ​ണമാ​യും ബ​സിന്‍റെ മു​ൻ​വ​ശം ഭാ​ഗി​ക​മാ​യും ത​ക​ർ​ന്നു. കു​ന്നം​കു​ളം പോ​ലീ​സ് സ്ഥ​ല​ത്തെ​ത്തി തു​ട​ർന​ട​പ​ടി​ക​ൾ സ്വീ​ക​രി​ച്ചു.

സ്‌​കൂ​ട്ട​റി​ല്‍ കാ​റി​ടി​ച്ച്
സ​ഹോ​ദ​രി​മാ​ര്‍​ക്കു പ​രി​ക്ക്

പ​ഴ​യ​ന്നൂ​ര്‍: സ്‌​കൂ​ട്ട​റി​ല്‍ സ​ഞ്ച​രി​ക്കു​ന്ന​തി​നി​ടെ കാ​റി​ടി​ച്ച് സ​ഹോ​ദ​രി​മാ​ര്‍​ക്കു പ​രി​ക്ക്. പ​ഴ​യ​ന്നൂ​ര്‍ കോ​ട​ത്തൂ​ര്‍ വി​ല്ല​ട​ത്തു​പ​റ​മ്പ് വൈ​ഷ്ണ​വി (27), ഗോ​പി​ക (23) എ​ന്നി​വ​ര്‍​ക്കാ​ണു പ​രി​ക്കേ​റ്റ​ത്. ഉ​ട​നെ ചേ​ല​ക്ക​ര താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് ഒ​റ്റ​പ്പാ​ല​ത്തെ സ്വ​കാ​ര്യ ആ​ശു​പ​ത്രി​യി​ലു​മെ​ത്തി​ച്ച് ചി​കി​ത്സ ന​ല്‍​കി. പ​ഴ​യ​ന്നൂ​ര്‍ ടൗ​ണി​ല്‍ വി​ജ​യ് സി​ല്‍​ക്സി​നു സ​മീ​പമാ​ണ് അ​പ​ക​ടമുണ്ടായത്.

വാ​ടാ​ന​പ്പ​ിള്ളി​യി​ൽ ലോ​റി
മ​റി​ഞ്ഞ് ഡ്രൈ​വ​ർ​ക്കു പ​രി​ക്ക്

വാ​ടാ​ന​പ്പ​ിള്ളി: ദേ​ശീ​യപാ​ത​യി​ൽ ലോ​റി മ​റി​ഞ്ഞു ഡ്രൈ​വ​ർ​ക്കു പ​രി​ക്കേ​റ്റു. ലോ​റി ഡ്രൈ​വ​ർ മ​ല​പ്പു​റം കു​ള​ത്തൂ​ർ സ്വ​ദേ​ശി ആ​ഷി​ക് (25 )നാ​ണു പ​രി​ക്കേ​റ്റ​ത്. വാ​ടാ​ന​പ്പ​ള്ളി മ​ര​ണ​വ​ള​വി​ൽ ഇ​ന്നു പു​ല​ർ​ച്ചെ നാ​ല​രയോ​ടെ ഹൈ​വേ​നി​ർ​മാ​ണ​ത്തി​നാ​യി മ​ണ​ൽ കൊ​ണ്ടു​പോ​കു​ന്ന ടോ​റ​സ് ലോ​റി റോ​ഡി​ൽ നി​ന്നും പ​റ​മ്പി​ലേ​ക്ക് മ​റി​യു​ക​യാ​യി​രു​ന്നു. വാ​ഹ​ന​ത്തി​ന്‍റെ കാ​ബി​നു​ള്ളി​ൽ കു​ടു​ങ്ങി​യ ഡ്രൈ​വ​റെ ഫ​യ​ർ​ഫോ​ഴ്സ് എ​ത്തി പു​റ​ത്തെ​ടു​ത്തു. വാ​ടാ​ന​പ്പ​ള്ളി ആ​ക്ട്സ് ആം​ബു​ല​ൻ​സ് പ്ര​വ​ർ​ത്ത​ക​ർ പ​രി​ക്കേ​റ്റ ഡ്രൈ​വ​റെ വാ​ടാ​ന​പ്പ​ിള്ളി​യി​ലെ സ്വ​കാ​ര്യ ക്ലി​നി​ക്കി​ൽ പ്ര​വേ​ശി​പ്പി​ച്ചു. ഡ്രൈ​വ​റു​ടെ പ​രി​ക്ക് ഗ​രു​ത​ര​മ​ല്ല.