ദീപിക ഐക്കൺസ് ഓഫ് ദ ഇയർ പുരസ്കാര സമർപ്പണവും 138 -ാം വാർഷികാഘോഷവും കൊച്ചിയിൽ നാളെ
1482429
Wednesday, November 27, 2024 5:29 AM IST
കൊച്ചി: ദീപിക 138 -ാം വാർഷികാഘോഷവും ഐക്കൺസ് ഓഫ് ദ ഇയർ പുരസ്കാര സമർപ്പണവും നാളെ കൊച്ചിയിൽ നടക്കും. ഇടപ്പള്ളി ലുലു മാരിയറ്റിൽ വൈകുന്നേരം ആറിന് ആരംഭിക്കുന്ന ബിസിനസ് ഇവന്‍റ് ജലവിഭവ മന്ത്രി റോഷി അഗസ്റ്റിൻ ഉദ്ഘാടനം ചെയ്യും. സിനിമാതാരം അന്ന ബെൻ വിശിഷ്ടാതിഥിയായി പങ്കെടുക്കും. സമൂഹത്തിന്‍റെ വിവിധ മേഖലകളിൽ മികവിന്‍റെ മുദ്രപതിപ്പിച്ച ഒന്പതു പേർക്കാണു ദീപിക ഐക്കൺസ് ഓഫ് ദ ഇയർ പുരസ്കാരങ്ങൾ നൽകുന്നത്. മന്ത്രി റോഷി അഗസ്റ്റിൻ പുരസ്കാര സമർപ്പണം നിർവഹിക്കും.
ഐഎസ്എസ്ഡി സിഇഒ എം.വി. തോമസ് (ലൈഫ്ടൈം അച്ചീവ്മെന്‍റ് അവാർഡ് ഫോർ എഡ്യൂക്കേഷണൽ ഇന്നൊവേഷൻ ആൻഡ് സ്കിൽ ഡവലപ്മെന്‍റ്), കാരിസ് പൈപ്സ് ആൻഡ് ട്യൂബ്സ് പ്രൈവറ്റ് ലിമിറ്റഡ് ഡയറക്ടർ ആൻഡ് സിഇഒ ടി.പി. സജി (ബെസ്റ്റ് എമർജിംഗ് ബ്രാൻഡ് ഫ്രം കേരള ),
റെഡ്പോർച്ച് നെസ്റ്റ് ബിൽഡേഴ്സ് പ്രൈവറ്റ് ലിമിറ്റഡ് മാനേജിംഗ് ഡയറക്ടർ കെ. അനീഷ്കുമാർ (എക്സലൻസ് ഇൻ കസ്റ്റമൈസ്ഡ് വില്ലാസ് കൺസ്ട്രക്ഷൻ), പള്ളുരുത്തി ഡോൺബോസ്കോ സ്നേഹഭവൻ എക്സിക്യുട്ടീവ് ഡയറക്ടർ ഫാ. പി.ഡി. തോമസ് (ഹ്യുമാനിറ്റേറിയൻ എക്സലൻസ് അവാർഡ് ഫോർ ഔട്ട്സ്റ്റാൻഡിംഗ് സർവീസ് ടു അണ്ടർപ്രിവിലേജ്ഡ് ചിൽഡ്രൻ ), ജോണി ആൻഡ് കോ ചാർട്ടേഡ് അക്കൗണ്ടന്‍റ്സ് പ്രൊപ്രൈറ്റർ സി.എ. ജോണി പള്ളിവാതുക്കൽ (സിഎ പ്രഫഷണൽ എക്സലൻസ് അവാർഡ്), ജോസ്കോ ഇൻസ്റ്റിറ്റ്യൂഷൻ‌സ് ബംഗളൂരു ചെയർമാൻ അഡ്വ. സജു ടി. ജോസഫ് (എക്സലൻസ് ഇൻ ക്വാളിറ്റി ആൻഡ് ഡിസിപ്ലിൻഡ് നഴ്സിംഗ് എഡ്യൂക്കേഷൻ അവാർഡ്), എൽ.കെ. പ്രൊഡക്ഷൻസ് ഇന്‍റർനാഷണൽ ഫൗണ്ടർ ഡയറക്ടർ രാജേഷ് പുത്തൻപുരയിൽ (ബെസ്റ്റ് എമർജിംഗ് വിഷണറി ഫിലിംമേക്കർ അവാർഡ് 2024), സിൽജീസ് ഇലക്ട്രോളിസിസ് മാനേജിംഗ് ഡയറക്ടർ സിൽജി പൗലോസ് (എക്സലൻസ് ഇൻ വിമൺ എംപവർമെന്‍റ് അവാർഡ് ഫോർ ഇന്നൊവേറ്റീവ് ഇലക്ട്രോളൈസിസ് ട്രീറ്റ്മെന്‍റ്), മാതാ റോക്ക് പ്രൊഡക്ട്സ് മാനേജിംഗ് ഡയറക്ടർ വി.പി. ജോർജ് (ദീപിക എക്സലൻസ് അവാർഡ് ഇൻ കമ്യൂണിറ്റി സർവീസസ്) എന്നിവരാണു പുരസ്കാര ജേതാക്കൾ.
ഐസിഎൽ ഫിൻകോർപ് ആണ് ഇവന്‍റിന്‍റെ മുഖ്യസ്പോൺസർ. നോളജ് പാർട്ണർ ടാൽറോപ്, ഹെൽത്ത് പാർട്ണർ മഞ്ഞുമ്മൽ സെന്‍റ് ജോസഫ്സ് ഹോസ്പിറ്റൽ, അസോസിയേറ്റ് സ്പോൺസർ ജുബീറിച്ച് കൺസൾട്ടൻസി പ്രൈവറ്റ് ലിമിറ്റഡ്. ഇവന്‍റിനെത്തുടർന്നു സംഗീതവിരുന്നും ഉണ്ടാകും.