പാലാ രൂപത ബൈബിള്‍ കണ്‍വന്‍ഷന്‍: പന്തല്‍ കാല്‍നാട്ടുകര്‍മം നാളെ
1481886
Monday, November 25, 2024 5:05 AM IST
പാലാ: ഡിസംബര്‍ 19ന് ആരംഭിക്കുന്ന പാലാ രൂപത 42-ാമത് ബൈബിള്‍ കണ്‍വന്‍ഷന്‍റെ പന്തല്‍ കാല്‍നാട്ടുകര്‍മം നാളെ നടക്കും. കണ്‍വന്‍ഷന്‍ നടക്കുന്ന പാലാ സെന്‍റ് തോമസ് കോളജ് ഗ്രൗണ്ടില്‍ വൈകുന്നേരം നാലിന് ബിഷപ് മാര്‍ ജോസഫ് കല്ലറങ്ങാട്ട് കാല്‍നാട്ടുകര്‍മം നിര്‍വഹിക്കും.
രൂപത പ്രോട്ടോ സിഞ്ചെല്ലൂസ് മോണ്‍. ജോസഫ് തടത്തില്‍, വികാരി ജനറാൾമാരായ മോണ്‍. ജോസഫ് മലേപ്പറമ്പില്‍, മോണ്‍. ജോസഫ് കണിയോടിക്കല്‍, പാലാ കത്തീഡ്രല്‍ വികാരി ഫാ. ജോസ് കാക്കല്ലില്‍, ളാലം പഴയപള്ളി വികാരി ഫാ. ജോസഫ് തടത്തില്‍, അരുണാപുരം പള്ളി വികാരി ഫാ. മാത്യു പുല്ലുകാലായില്‍, സെന്‍റ് തോമസ് കോളജ് പ്രിന്‍സിപ്പല്‍ ഡോ. സിബി ജയിംസ്, വൈസ് പ്രിന്‍സിപ്പല്‍ ഫാ. കുര്യാക്കോസ് കാപ്പിലിപറമ്പില്‍, ബര്‍സാര്‍ ഫാ. മാത്യു ആലപ്പാട്ടുമേടയില്‍, ഷാലോം പാസ്റ്ററല്‍ സെന്‍റര്‍ ഡയറക്ടര്‍ ഫാ. ജോര്‍ജ് ഞാറക്കുന്നേല്‍, വിവിധ ഇടവക വികാരിമാര്‍, വൈദികര്‍, സന്യസ്തര്‍, അല്മായര്‍ തുടങ്ങിയവര്‍ പങ്കെടുക്കും.
കണ്‍വന്‍ഷന്‍ ജനറല്‍ കോ-ഓര്‍ഡിനേറ്റര്‍ മോണ്‍. സെബാസ്റ്റ്യന്‍ വേത്താനത്ത്, ഇവാഞ്ചലൈസേഷന്‍ ഡയറക്ടര്‍ ഫാ. ജേക്കബ് വെള്ളമരുതുങ്കല്‍, ഫാ. ആല്‍ബിന്‍ പുതുപ്പറമ്പില്‍, ഇവാഞ്ചലൈസേഷന്‍, കരിസ്മാറ്റിക്, കുടുംബകൂട്ടായ്മാ ടീമംഗങ്ങള്‍ തുടങ്ങിയവര്‍ ശുശ്രൂഷകള്‍ക്കു നേതൃത്വം നല്‍കും.