മൂലമറ്റം: പാറ അടർന്നുമാറി അപകട ഭീഷണി ഉയർത്തുന്നതായി പരാതി. മൂലമറ്റം- വാഗമണ് റോഡരികിൽ ഇടാടിനും പുള്ളിക്കാനത്തിനും ഇടയ്ക്കാണ് കൂറ്റൻ പാറ വിണ്ടുകീറി അടർന്നുമാറുന്നത്. ഓരോ ദിവസം കഴിയുന്പോഴും പാറ കൂടുതൽ അകന്നു മാറുകയാണെന്ന് നാട്ടുകാർ പറഞ്ഞു.
പാറ താഴെ വീണാൽ പുള്ളിക്കാനം-കാഞ്ഞാർ, പുള്ളിക്കാനം-മൂലമറ്റം റോഡുകളിൽ ഗതാഗതം തടസപ്പെടും. അധികൃതർ അടിയന്തരമായി സ്ഥലം സന്ദർശിച്ച് പാറ പൊട്ടിച്ചുനീക്കാനുള്ള നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.