പു​ളി​യ​ന്മ​ല റോ​ഡി​ൽ ഗതാഗതക്കുരുക്ക് പതിവ്
Sunday, September 8, 2024 11:50 PM IST
ക​ട്ട​പ്പ​ന: പുറിയൻമല റോഡിൽ ടോ​റ​സ് കുടുങ്ങി ഗതാഗതം തടസപ്പെട്ടു. വാ​ഹ​ന​ങ്ങ​ൾ വ​ള​വി​ൽ കു​ടു​ങ്ങു​ന്ന​ത് പ​തി​വാ​കു​ക​യാ​ണ്.​ കു​ത്തി​റ​ക്ക​ത്തോ​ടൊ​പ്പം ഭീ​മ​ൻ വ​ള​വു​ക​ളാ​ണ് പാ​ത​യി​ലു​ള്ള​ത്. അ​തോ​ടൊ​പ്പം വ​ള​വു​ക​ളി​ല​ട​ക്കം വ​ലി​യ ഗ​ർ​ത്ത​ങ്ങ​ൾ രൂ​പ​പ്പെ​ട്ടി​രി​ക്കു​ക​യാ​ണ്. ടോ​റ​സ് ലോ​റി​ക​ൾ അ​ട​ക്കം ന​ന്നേ പാ​ടു​പെ​ട്ടെ വ​ള​വു​ക​ൾ ക​ട​ന്നുപോ​കു​ക​യു​ള്ളൂ. ഈ ​സ​മ​യം ഗ​ർ​ത്ത​ങ്ങ​ളി​ൽ ട​യ​ർ കു​ടു​ങ്ങു​ന്ന​തോ​ടെ വാ​ഹ​നം കു​ടു​ങ്ങു​ക​യാ​ണ് പ​തി​വ്.

ഞാ​യ​റാ​ഴ്ച ഉ​ച്ച​യോ​ടെ​യാ​ണ് തൊ​ടു​പു​ഴ - പു​ളി​യ​ന്മ​ല സം​സ്ഥാ​ന പാ​ത​യി​ൽ ടോ​റ​സ് ലോ​റി കു​ടു​ങ്ങി​യ​ത്. പു​ളി​യ​ൻ​മ​ല​യി​ൽനി​ന്ന് വ​രു​മ്പോ​ൾ ആ​ദ്യ​ത്തെ ഹെ​യ​ർ​പി​ൻ വ​ള​വി​ലാ​ണ് വാ​ഹ​നം കു​ടു​ങ്ങി​യ​ത്. ഇ​തോ​ടെ മ​ണി​ക്കൂ​റു​ക​ളോ​ളം ഗ​താ​ഗ​തം നി​ല​ച്ചു.

തു​ട​ർ​ന്ന് ക​ട്ട​പ്പ​ന പോ​ലീ​സും ഫ​യ​ർ​ഫോ​ഴ്സും സ്ഥ​ല​ത്തെ​ത്തി വാ​ഹ​ന​ങ്ങ​ൾ ക​ട​ത്തി​വി​ടാ​നു​ള്ള ശ്ര​മം ആ​രം​ഭി​ച്ചു. ജെ​സി​ബി ഉ​പ​യോ​ഗി​ച്ച് ടോ​റ​സ് ലോ​റി വ​ലി​ച്ചു നീ​ക്കി​യ​ശേ​ഷ​മാ​ണ് പൂ​ർ​ണതോ​തി​ൽ ഗ​താ​ഗ​തം പു​ന​സ്ഥാ​പി​ക്കാ​ൻ സാ​ധി​ച്ച​ത്. ദീ​ർ​ഘ​ദൂ​ര ബ​സു​ക​ളും വി​വാ​ഹ വ​ധൂവ​ര​ന്മാ​രും അ​ട​ക്കം റോ​ഡി​ൽ കു​ടു​ങ്ങി.


ത​മി​ഴ്നാ​ട്ടി​ൽനി​ന്ന് അ​ട​ക്കം കേ​ര​ള​ത്തി​ലേ​ക്ക് എ​ത്തു​ന്ന ച​ര​ക്ക് വാ​ഹ​ന​ങ്ങ​ൾ തൊ​ടു​പു​ഴ -പു​ളി​യ​ന്മ​ല സം​സ്ഥാ​ന​പാ​ത​യു​ടെ ഭാ​ഗ​മാ​യ പു​ളി​യ​ന്മ​ല റോ​ഡി​ലൂ​ടെ ക​ട്ട​പ്പ​ന​യി​ലെ​ത്തി​യാ​ണ് ക​ട​ന്നുപോ​കു​ന്ന​ത്.

കൂ​ടാ​തെ വി​വി​ധ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്കു​ള്ള പാ​ത കൂ​ടി​യാ​ണി​ത്.​ സ​ദാ​സ​മ​യ​വും വ​ലി​യ തി​ര​ക്കും അ​നു​ഭ​വ​പ്പെ​ടു​ന്നു. അ​ഞ്ചോ​ളം ഹെ​യ​ർ​പി​ൻ വ​ള​വു​ക​ളാ​ണ് ക​ട്ട​പ്പ​ന മു​ത​ൽ പു​ളി​യ​ന്മ​ല വ​രെ​യു​ള്ള ഭാ​ഗ​ങ്ങ​ളി​ൽ ഉ​ള്ള​ത്. റോ​ഡി​ന് വേ​ണ്ട​ത്ര വീ​തി​യും ഇ​ല്ല.