കട്ടപ്പന: വെള്ളക്കെട്ട് രൂക്ഷമായതോടെ കട്ടപ്പന-വെള്ളയാംകുടി റോഡിൽ യാത്രാക്ലേശം. കല്ലുകുന്ന് മേഖലയുടെ താഴെ ഭാഗത്തുകൂടി കടന്നുപോകുന്ന കട്ടപ്പന-വെള്ളിയാംകുടി റോഡിനു സമീപം ശക്തമായ ഉറവയാണ് ഉണ്ടായിരിക്കുന്നത്. ഈ വെള്ളമെല്ലാം റോഡിലേക്കാണ് ഒഴുകിയെത്തുന്നത്. ഇതോടെ വാഹനങ്ങൾ കടന്നുപോകുമ്പോൾ റോഡിലെ വെള്ളം ഇരുവശങ്ങളിലേക്കും തെറിച്ചു വീണ് കാൽനട-ഇരുചക്ര വാഹനയാത്രക്കാർക്കും ബുദ്ധിമുട്ടാകുന്നു. വെള്ളക്കെട്ടിൽ ചാടാതെ വാഹനങ്ങൾ വെട്ടിച്ചു മാറ്റുന്നത് നിരന്തര അപകടങ്ങൾക്കും കാരണമാകുന്നു.