വണ്ണപ്പുറം: വ്യാപാരസ്ഥാപനത്തിലെ ജോലികഴിഞ്ഞ് ഓട്ടോയിൽ വീട്ടിലേക്കു മടങ്ങിയ യുവതിയെ വീടിനു സമീപം വാഹനം നിർത്താതെ ഓടിച്ചുപോയ സംഭവത്തിൽ വണ്ണപ്പുറം ടൗണിലെ ഓട്ടോ ഡ്രൈവർ കാനാപ്പറന്പിൽ ഷാജി (48)യെ കാളിയാർ പോലീസ് അറസ്റ്റുചെയ്തു.
കഴിഞ്ഞ 25ന് രാത്രി എട്ടോടെയായിരുന്നു സംഭവം. യുവതി വണ്ണപ്പുറത്ത് വ്യാപാര സ്ഥാപനത്തിൽ ജോലിചെയ്യുകയാണ്. ഓട്ടോ നിർത്താതെ പോയതിനെത്തുടർന്ന് വാഹനത്തിൽനിന്നു ചാടി രക്ഷപ്പെടാൻ ശ്രമിക്കുന്നതിനിടെ യുവതിക്ക് വീണു പരിക്കേറ്റിരുന്നു. ഒളിവിലായിരുന്ന പ്രതിയെ ഏഴു ദിവസങ്ങൾക്കു ശേഷമാണ് എസ്ഐ സാബു കെ. പീറ്ററിന്റ നേതൃത്വത്തിൽ അറസ്റ്റു ചെയ്തത്.