കുമളി: റോസാപ്പൂക്കണ്ടം കോളനിയിൽ ഓടയ്ക്ക് കുറുകെ ഇട്ടിരുന്ന കോണ്ക്രീറ്റ് സ്ളാബ് തകർന്നു. നിർമാണത്തിലെ അപാകതയാണ് കാരണം. ഏഴടിയോളം നീളത്തിലും രണ്ടടിയിലേറെ വീതിയിലുമാണ് സ്ളാബുകൾ പാകിയത്.
സ്ളാബിന്റെ കനം നാലിഞ്ചിൽ കുറവാണ്. സ്ളാബിനുള്ളിൽ നീളത്തിൽ മൂന്ന് കന്പികൾ മാത്രമാണുള്ളത്. കന്പികൾ തന്പിൽ സാധാരണ സ്ളാബുകൾക്കുള്ളതുപോല യാതൊരു ബന്ധവും ഇല്ല. സ്ളാബിന്റെ കനം കുറഞ്ഞതും കന്പികൾ തമിൽ ബന്ധിപ്പിക്കാത്തതും തകർച്ചക്ക് കാരണമാണ്. മിക്ക സ്ളാബുകളും നിലം പതിക്കാവുന്ന അവസ്ഥയിലാണ്. നൂറുകണക്കിന് കുടുംബങ്ങൾ ഉപയോഗിക്കുന്ന വഴിയിലാണ് സ്ലാബ് പാകിയിട്ടുള്ളത്.