മ​ത്സ്യം പി​ടി​ച്ചു: പ​രി​ശോ​ധ​ന​യി​ൽ മാ​യ​മി​ല്ലെ​ന്ന് വ്യ​ക്ത​മാ​യി
Thursday, August 1, 2024 12:00 AM IST
തൊ​ടു​പു​ഴ: പ​ഴ​കി​യ​തും ഫോ​ർ​മാ​ലി​ൻ ക​ല​ർ​ന്ന​തു​മെ​ന്ന പേ​രി​ൽ ഭ​ക്ഷ്യ സു​ര​ക്ഷ വ​കു​പ്പ് ഉ​ദ്യോ​ഗ​സ്ഥ​ർ തൊ​ടു​പു​ഴ​യി​ൽ വി​ൽ​പ്പ​ന​യ്ക്കെ​ത്തി​ച്ച മ​ത്സ്യം പി​ടി​ച്ചെ​ടു​ത്തു. എ​ന്നാ​ൽ കെ​മി​ക്ക​ൽ ലാ​ബി​ൽ ന​ട​ത്തി​യ പ​രി​ശോ​ധ​ന​യി​ൽ പി​ടി​ച്ചെ​ടു​ത്ത മ​ത്സ്യ​ങ്ങ​ളി​ൽ ഫോ​ർ​മാ​ലി​ൻ ഇ​ല്ലെ​ന്ന് തെ​ളി​ഞ്ഞു. വി​ഴി​ഞ്ഞം ക​ട​പ്പു​റ​ത്തുനി​ന്ന് തൊ​ടു​പു​ഴ നീ​രാ​ളി മാ​ർ​ക്ക​റ്റി​ൽ വി​ൽ​പ്പ​ന​യ്ക്ക് എ​ത്തി​ച്ച മ​ത്സ്യ​ങ്ങ​ളാ​ണ് ഭ​ക്ഷ്യസു​ര​ക്ഷാ വ​കു​പ്പ് അ​ധി​കൃ​ത​ർ പ​ഴ​കി​യ മ​ത്സ്യ​മെ​ന്ന പേ​രി​ൽ പി​ടി​ച്ചെ​ടു​ത്ത​ത്. മാ​ർ​ക്ക​റ്റി​ൽ വ​ച്ച് ന​ട​ത്തി​യ പ്രാ​ഥ​മി​ക പ​രി​ശോ​ധ​ന​യി​ൽ ഫോ​ർ​മാ​ലി​നു​ണ്ടെ​ന്ന് അ​ധി​കൃ​ത​ർ ത​ന്നെ പ​റ​യു​ക​യും വി​ൽ​പ്പ​ന ത​ട​യു​ക​യും ചെ​യ്തു. തു​ട​ർ​ന്ന് കൊ​ച്ചി കാ​ക്ക​നാ​ടു​ള്ള ലാ​ബി​ലേ​ക്ക് സാ​ന്പി​ൾ പ​രി​ശോ​ധ​ന​യ്ക്കാ​യി അ​യ​ക്കു​ക​യും ചെ​യ്തു.


തു​ട​ർ​ന്ന് മ​ത്സ്യം കൊ​ണ്ടുവ​ന്ന നാ​ലു വാ​ഹ​ന​ങ്ങ​ൾ പോ​ലീ​സ് സ്റ്റേ​ഷ​നി​ലേ​ക്ക് മാ​റ്റി. ഇ​ന്ന​ലെ ഉ​ച്ച​യോ​ടെ പ​രി​ശോ​ധ​ന ഫ​ലം വ​രു​ക​യും ഇ​തി​ൽ യാ​തൊ​രു വി​ധ കെ​മി​ക്ക​ലു​ക​ളും ഇ​ല്ലെ​ന്ന് തെ​ളി​യു​ക​യും ചെ​യ്തു. അ​ധി​കൃ​ത​രു​ടെ ഈ ​ന​ട​പ​ടി​യെ തു​ട​ർ​ന്ന് ല​ക്ഷ​ങ്ങ​ളു​ടെ ന​ഷ്ട​മാ​ണു​ണ്ടാ​യ​തെ​ന്ന് വ്യാ​പാ​രി​ക​ൾ പ​റ​ഞ്ഞു.

പ​രി​ശോ​ധ​ന ഫ​ല​ത്തി​ന്‍റെ കോ​പ്പി ത​രാ​തെ വാ​ഹ​നം മാ​റ്റി​ല്ലെ​ന്ന് മ​ത്സ്യ വ്യാ​പാ​രി​ക​ൾ നി​ല​പാ​ട് എ​ടു​ത്ത​തോ​ടെ അ​ധി​കൃ​ത​ർ ഇ​തുന​ൽ​കി. പ​രി​ശോ​ധ​ന​യു​ടെ പേ​രി​ൽ ന​ഷ്ടം ഉ​ണ്ടാ​യ​തി​ന്‍റെ പേ​രി​ൽ നി​യ​മ ന​ട​പ​ടി​യു​മാ​യി മു​ന്നോ​ട്ട് പോ​കു​മെ​ന്ന് വ്യാ​പാ​രി​ക​ൾ അ​റി​യി​ച്ചു.