ജാ​ഗ്ര​ത കൈ​വി​ടാ​തെ ജി​ല്ല: മ​ഴ​യ്ക്കു നേ​രി​യ കു​റ​വ്
Thursday, August 1, 2024 12:00 AM IST
തൊ​ടു​പു​ഴ: ക​ഴി​ഞ്ഞ ദി​വ​സ​ങ്ങ​ളെ അ​പേ​ക്ഷി​ച്ച് ജി​ല്ല​യി​ൽ മ​ഴ​യു​ടെ ശ​ക്തി നേ​രി​യ തോ​തി​ൽ കു​റ​ഞ്ഞു. ഇ​ട​വി​ട്ട് പെ​യ്യു​ന്ന മ​ഴ​യി​ൽ കെ​ടു​തി​ക​ൾ തു​ട​രു​ക​യാ​ണ്. ഇ​ന്ന​ലെ മ​ഴ​യി​ലും കാ​റ്റി​ലും ഒ​രു വീ​ട് പൂ​ർ​ണ​മാ​യും എ​ട്ട് വീ​ടു​ക​ൾ ഭാ​ഗി​ക​മാ​യും ത​ക​ർ​ന്നു.

മാ​ട്ടു​പ്പെ​ട്ടി കു​റ്റി​യാ​ർ​വാ​ലി​യി​ൽ മ​ണ്‍​തി​ട്ട​യി​ടി​ഞ്ഞ് ര​ണ്ട് വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. വീ​ട്ടു​കാ​രെ സു​ര​ക്ഷി​തസ്ഥാ​ന​ങ്ങ​ളി​ലേ​ക്ക് മാ​റ്റി. ക​ച്ച​പ്പ​ന-​കു​ട്ടി​ക്കാ​നം സം​സ്ഥാ​ന പാ​ത​യി​ൽ മ​ണ്ണി​ടി​ഞ്ഞ് ഗ​താ​ഗ​തം മു​ട​ങ്ങി. മൂ​ന്നാ​ർ ഗ്യാ​പ് റോ​ഡി​ൽ ചൊ​വ്വാ​ഴ്ച രാ​ത്രി​യും മ​ണ്ണി​ടി​ച്ചി​ലു​ണ്ടാ​യി. സം​സ്ഥാ​ന​ത്തെ ഏ​ക ഗോ​ത്ര​വ​ർ​ഗ​ പ​ഞ്ചാ​യ​ത്താ​യ ഇ​ട​മ​ല​ക്കു​ടി ഇ​പ്പോ​ഴും പൂ​ർ​ണ​മാ​യും ഒ​റ്റ​പ്പെ​ട്ട നി​ല​യി​ലാ​ണ്.

പെ​ട്ടി​മു​ടി​യി​ൽനി​ന്ന് സൊ​സൈ​റ്റി​ക്കു​ടി​യി​ലേ​ക്കു​ള്ള റോ​ഡി​ൽ ബ​സാ​ർ ഭാ​ഗ​ത്തു​ള്ള പാ​ലം ത​ക​ർ​ന്ന​തോ​ടെ​യാ​ണ് മേ​ഖ​ല​യി​ലു​ള്ള​വ​ർ​ക്ക് പു​റം​ലോ​ക​ത്തെ​ത്താ​ൻ വ​ഴി​യി​ല്ലാ​താ​യ​ത്. ഇ​ന്ന​ലെ​യും ജി​ല്ല​യി​ലെ​ന്പാ​ടും പ​ല​യി​ട​ങ്ങ​ളി​ലും മ​രം ലൈ​നി​ൽ വീ​ണും പോ​സ്റ്റ് ക​ട​പു​ഴ​കി​യും വൈ​ദ്യു​തി മു​ട​ങ്ങി. മ​രം വീ​ണ് നി​ര​വ​ധി​യി​ട​ങ്ങ​ളി​ൽ ഗ​താ​ഗ​തം മു​ട​ങ്ങി. ഫ​യ​ർ​ഫോ​ഴ്സെ​ത്തി​യാ​ണ് മ​രം​മു​റി​ച്ച് ഗ​താ​ഗ​തം പു​നഃ​സ്ഥാ​പി​ച്ച​ത്.

അ​ല​ർ​ട്ടു​ക​ൾ പി​ൻ​വ​ലി​ക്കു​ന്ന​തുവ​രെ ജി​ല്ല​യി​ലെ എ​ല്ലാ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലും പ്ര​വേ​ശ​നം നി​രോ​ധി​ച്ചി​ട്ടു​ണ്ട്. മ​ല​യോ​ര​മേ​ഖ​ല​യി​ൽ വൈ​കു​ന്നേ​രം ഏ​ഴുമു​ത​ൽ രാ​വി​ലെ ആ​റുവ​രെ​യാ​ണ് രാ​ത്രി​യാ​ത്രാ നി​രോ​ധ​നം. ഖ​ന​ന പ്ര​വ​ർ​ത്ത​ന​ങ്ങ​ൾ​ക്കും മ​ണ്ണെ​ടു​പ്പി​നും നി​രോ​ധ​ന​മേ​ർ​പ്പെ​ടു​ത്തി​യി​ട്ടു​ണ്ട്. ജി​ല്ല​യി​ൽ ഇ​ന്ന് ഓ​റ​ഞ്ച് അ​ല​ർ​ട്ടാ​ണ്.

ക​ഴി​ഞ്ഞ 24 മ​ണി​ക്കൂ​റി​നി​ടെ ജി​ല്ല​യി​ൽ 24.06 മി​ല്ലി​മീ​റ്റ​ർ മ​ഴ ല​ഭി​ച്ചു. ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത് ഇ​ടു​ക്കി താ​ലൂ​ക്കി​ലാ​ണ് 37.8 മി​ല്ലി മീ​റ്റ​ർ. ഉ​ടു​ന്പ​ഞ്ചോ​ല - 20.1 മി​ല്ലി മീ​റ്റ​ർ, ദേ​വി​കു​ളം - 24.8, പീ​രു​മേ​ട് -22.8, തൊ​ടു​പു​ഴ - 14.8 എ​ന്നി​ങ്ങ​നെ​യാ​ണ് മ​റ്റു താ​ലൂ​ക്കു​ക​ളി​ൽ രേ​ഖ​പ്പെ​ടു​ത്തി​യ മ​ഴ​യു​ടെ ക​ണ​ക്ക്.


ഡാ​മു​ക​ളി​ൽ
ജ​ല​നി​ര​പ്പു​യ​രു​ന്നു

വൃ​ഷ്ടി​പ്ര​ദേ​ശ​ങ്ങ​ളി​ൽ ശ​ക്ത​മാ​യ മ​ഴ ല​ഭി​ച്ച​തോ​ടെ അ​ണ​ക്കെ​ട്ടു​ക​ളി​ലെ ജ​ല​നി​ര​പ്പ് ഉ​യ​ർ​ന്നു. 2363.62 അ​ടി​യാ​ണ് ഇ​ടു​ക്കി ഡാ​മി​ലെ നി​ല​വി​ലെ ജ​ല​നി​ര​പ്പ്. ഇ​ന്ന​ലെ മാ​ത്രം മൂ​ന്ന​ടി​യി​ലേ​റെ​യാ​ണ് ജ​ല​നി​ര​പ്പ് ഉ​യ​ർ​ന്ന​ത്. പ​ര​മാ​വ​ധി സം​ഭ​ര​ണ​ശേ​ഷി​യു​ടെ 57.8 ശ​ത​മാ​ന​മാ​ണി​ത്. 2403 അ​ടി​യാ​ണ് പ​ര​മാ​വ​ധി സം​ഭ​ര​ണ​ശേ​ഷി.

മു​ല്ല​പ്പെ​രി​യാ​ർ അ​ണ​ക്കെ​ട്ടി​ലെ ജ​ല​നി​ര​പ്പ് ഇ​ന്ന​ലെ രാ​വി​ലെ ആ​റി​ന് 130.4 അ​ടി​യാ​ണ്. അ​ണ​ക്കെ​ട്ടി​ലേ​ക്ക് സെ​ക്ക​ന്‍ഡി​ൽ 5339 ഘ​ന​യ​ടി വെ​ള്ളം ഒ​ഴു​കി​യെ​ത്തു​ന്നു​ണ്ട്.​ ത​മി​ഴ്നാ​ട് സെ​ക്ക​ൻ​ഡി​ൽ 1311 ഘ​ന​യ​ടി വെ​ള്ളം കൊ​ണ്ടു​പോ​കു​ന്നു​ണ്ട്. ഇ​ന്ന​ലെ രാ​വി​ലെവ​രെ അ​ണ​ക്കെ​ട്ടി​ൽ 33.8 മി​ല്ലീ​മീ​റ്റ​റും തേ​ക്ക​ടി​യി​ൽ 22.4 മി​ല്ലീ​മീ​റ്റ​റും മ​ഴ പെ​യ്തു. വൃ​ഷ്ടി​പ്ര​ദേ​ശ​മാ​യ വ​ന​മേ​ഖ​ല​യി​ൽ ക​ന​ത്ത മ​ഴ​യും നീ​രൊ​ഴു​ക്കും ശ​ക്ത​മാ​യ​തി​നാ​ൽ ഇ​ന്നു രാ​വി​ലെ​യോ​ടെ അ​ണ​ക്കെ​ട്ടി​ലെ ജ​ല​നി​ര​പ്പ് 132 അ​ടി പി​ന്നി​ടു​മെ​ന്നാ​ണ് ത​മി​ഴ്നാ​ടി​ന്‍റെ വി​ല​യി​രു​ത്ത​ൽ. ക​ല്ലാ​ർ​കു​ട്ടി, പാ​ബ്ല, മ​ല​ങ്ക​ര, പൊ​ൻ​മു​ടി, ഹെ​ഡ് വ​ർ​ക്സ് എ​ന്നി ഡാ​മു​ക​ളും തു​റ​ന്നി​രി​ക്കു​ക​യാ​ണ്.

ക്യാ​ന്പു​ക​ൾ അ​ഞ്ചാ​യി

നി​ല​വി​ലു​ള്ള നാ​ല് ദു​രി​താ​ശ്വാ​സ ക്യാ​ന്പു​ക​ൾ കൂ​ടാ​തെ അ​ടി​മാ​ലി എ​സ്എ​ൻ​ഡി​പി സ്കൂ​ളി​ൽ കൂ​ടി ക്യാ​ന്പ് തു​റ​ന്നു. ഇ​വി​ടെ അ​ഞ്ചുപേ​ര​ട​ങ്ങു​ന്ന ഒ​രു കു​ടും​ബ​മാ​ണ് ക​ഴി​യു​ന്ന​ത്. മൂ​ന്നാ​ർ മൗ​ണ്ട് കാ​ർ​മ​ൽ ച​ർ​ച്ച് ഓ​ഡി​റ്റോ​റി​യം, ഗ​വ. ഹൈ​സ്കൂ​ൾ ചി​ത്തി​ര​പു​രം, ഖ​ജ​നാ​പ്പാ​റ ഗ​വ. എ​ച്ച്എ​സ്എ​സ്, പാ​റ​ത്തോ​ട് പ​ഞ്ചാ​യ​ത്ത് ക​മ്യൂ​ണി​റ്റി ഹാ​ൾ എ​ന്നി​വി​ട​ങ്ങ​ളി​ലാ​യി 37 കു​ടും​ബ​ങ്ങ​ളി​ലെ 114 പേ​രെ പാ​ർ​പ്പി​ച്ചി​ട്ടു​ണ്ട്.